Твой прадстаўнiк у Савеце Рэспублiкi Нацыянальнага сходу Рэспублiкi Беларусь трэцяга склiкання

Источник материала:

Кiраўскi, Клiчаўскi i Асiповiцкi раёны

Навiцкi Генадзь Васiльевiч

Старшыня Савета Рэспублiкi Нацыянальнага сходу Рэспублiкi Беларусь.

Нарадзiўся ў 1949 годзе ў горадзе Магiлёве. Скончыў Беларускi полiтэхнiчны iнстытут, Акадэмiю грамадскiх навук пры ЦК КПСС.

г. Бабруйск, Бабруйскi i Глускi раёны

Батура Барыс Васiльевiч

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па эканомiцы, бюджэту i фiнансах.

Нарадзiўся ў 1947 годзе ў горадзе Ваўкавыску Гродзенскай вобласцi. Скончыў Беларускi полiтэхнiчны iнстытут.

З 2000 года па цяперашнi час — старшыня Магiлёўскага абласнога выканаўчага камiтэта.

Узнагароджаны ордэнамi «Знак Пашаны», Айчыны III ступенi. Заслужаны работнiк сферы абслугоўвання Рэспублiкi Беларусь.

Клiмавіцкi, Касцюковiцкi i Хоцiмскi раёны

Ермакова Надзея Андрэеўна

Намеснiк старшынi Пастаяннай камiсii Савета Рэспублiкi Нацыянальнага сходу Рэспублiкi Беларусь па эканомiцы, бюджэту i фiнансах.

Нарадзiлася ў 1953 годзе ў вёсцы Разальмаў Хоцiмскага раёна Магiлёўскай вобласцi. Скончыла Беларускi дзяржаўны iнстытут народнай гаспадаркi iмя В.Ул. Куйбышава.

З 1996 года па цяперашнi час — Старшыня Праўлення ААТ «Ашчадны банк «Беларусбанк». Старшыня Беларускага саюза жанчын. Узнагароджана ордэнам Пашаны.

Бялынiцкi, Круглянскi i Магiлёўскi раёны

Маiсееў Леанiд Сяргеевiч

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па рэгiянальнай палiтыцы i мясцоваму самакiраванню.

Нарадзiўся ў 1950 годзе ў вёсцы Мiхайлавiчы Горацкага раёна Магiлёўскай вобласцi. Скончыў Вiцебскi ветэрынарны iнстытут.

З сакавiка 2003 года па цяперашнi час — дырэктар ЗАТ «Агракамбiнат «Зара» Магiлёўскага раёна.

Крычаўскi i Мсцiслаўскi раёны

Далжэўскi Аляксандр Пятровiч

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па заканадаўству i дзяржаўнаму будаўнiцтву.

Нарадзiўся ў 1971 годзе ў вёсцы Баранавiчы Бабруйскага раёна Магiлёўскай вобласцi. Скончыў Магiлёўскi дзяржаўны педагагiчны iнстытут iмя А.А. Куляшова.

З кастрычнiка 2002 года па цяперашнi час — сакратар Цэнтральнага камiтэта Грамадскага аб’яднання «Беларускi рэспублiканскi саюз моладзi».

г. Магiлёў, Быхаўскi i Чавускi раёны

Саханько Уладзiмiр Якаўлевiч

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па рэгiянальнай палiтыцы i мясцоваму самакiраванню.

Нарадзiўся ў 1946 годзе ў горадзе Магiлёве. Скончыў Магiлёўскi машынабудаўнiчы iнстытут. З лiстапада 1998 года па цяперашнi час — дырэктар Рэспублiканскага вытворчага унiтарнага прадпрыемства «Магiлёўскi завод «Строммашына».

Горацкi, Дрыбiнскi i Шклоўскi раёны

Iваноў Валерый Мiкалаевiч

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па мiжнародных справах i нацыянальнай бяспецы.

Нарадзiўся ў 1955 годзе ў вёсцы Папехiнка Клiмавiцкага раёна Магiлёўскай вобласцi. Скончыў Беларускую сельскагаспадарчую акадэмiю i Беларускi дзяржаўны унiверсiтэт.

З 2004 года па цяперашнi час — старшыня Шклоўскага раённага выканаўчага камiтэта.

Узнагароджаны ордэнам Пашаны i медалём «За працоўную доблесць».

Краснапольскi, Слаўгарадскi i Чэрыкаўскi раёны

Чарткова Аляксандра Леанiдаўна

Член Пастаяннай камiсii Савета Рэспублiкi Нацыянальнага сходу Рэспублiкi Беларусь па сацыяльных пытаннях.

Нарадзiлася ў 1955 годзе ў вёсцы Ельня Краснапольскага раёна. Скончыла Маскоўскi медыцынскi iнстытут iмя М.I. Пiрагова.

З лютага 1998 года па цяперашнi час — галоўны ўрач Чэрыкаўскай цэнтральнай раённай бальнiцы.