Каб жаданае стала зместам

Источник материала:

ПА СУТНАСЦІ

«Перш за ўсё трэба пачуць чалавека, вызначыць, што ён спадзяецца атрымаць ад нашай службы», — так настройвае сваю каманду начальнiк фiлiяла Васiль Халадцоў. Таму сустракае наведвальнiка кансультант. У залежнасцi ад таго, за чым прыйшоў клiент, — зарэгiстраваць зямельны ўчастак, аформiць спадчыну, атрымаць даведку, зрабiць тэхпашпарт — яго накiроўваюць у патрэбны кабiнет. А то бывалi выпадкi, што адстаiць чаргу, асаблiва пажылы чалавек, у кабiнет, потым акажацца — не ў той, i трэба ўсё пачынаць спачатку. Вядома, такiя памылкi не надавалi настрою i жадання прыйсцi ў кантору яшчэ раз. Два гады таму з трохдзённага графiка прыёму грамадзян перайшлi на пяцiдзённы: у буднiя днi — да васьмi вечара, у суботу — да пяцi. Але да новых умоў работы клiенты прывыкаюць павольна. Многiм, вiдаць, зручней адпрошвацца з працы ў рабочы час. Таму ў вячэрнiя гадзiны не назiраецца наведвальнiцкага бума.

Пасля прыняцця ў 2003 годзе Закона «Аб дзяржаўнай рэгiстрацыi нерухомай маёмасцi, праў на яе i здзелак з ёю» пачалося фармiраванне iнфармацыйнай базы дадзеных па аб’ектах нерухомасцi. Бо раней чалавек нават прадаць дом мог без дзяржаўнага акта на зямлю, а цяпер прыбудову або хлеў узвесцi без гэтага дакумента стала немагчыма. Адразу пасля прыняцця закона меў паўнамоцтвы на выраб такiх актаў толькi мясцовы фiлiял Белгiпразема. I арганiзацыя катастрафiчна не спраўлялася з заказамi, лiк якiх iшоў на тысячы. Па рэгiёну, што ўключае ў сябе Iванава, Столiн, Лунiнец, чэргi на выраб актаў даходзiлi да паўгода. Тады пiнскi фiлiял агенцтва выйшаў з прапановай у галаўное прадпрыемства ўзяць на сябе работу па вырабу падобных актаў. Неўзабаве першым у вобласцi атрымаў адпаведную лiцэнзiю. I калег разгрузiлi, i чэргi паменшылi, i зрабiлi ўпэўнены крок да першай прыступкi на шляху да «аднаго акна».

Пра славутае «акно» тут гавораць вельмi асцярожна. Паводле слоў начальнiка i яго намеснiкаў, каб жаданае стала зместам паўсядзённай работы, павiнен прайсцi немалы адрэзак часу. Бо любое агенцтва нерухомасцi — не закрытая арганiзацыя, яна працуе з вельмi многiмi партнёрамi. Важнае пытанне — стыкоўка заканадаўчай базы агенцтва, банкаўскай, натарыята, мясцовых выканаўчых i распарадчых органаў. Шэраг даведак павiнны быць узгоднены з экалагiчнай, санiтарнай, пажарнай службамi. I без згоды ў дзеяннях мiнiстэрстваў, ведамстваў, службаў, без унiфiкацыi нарматыўных актаў наўрад цi можна сур’ёзна гаварыць аб вырашэннi задачы «аднаго акна». Просты выпадак можа разбурыць веру ў самыя лепшыя намеры ў патэнцыяльнага наведвальнiка агенцтва па рэгiстрацыi. Скажам, прыйшоў чалавек за элементарнай даведкай. Але для яе патрэбна пацвердзiць, што ён браў крэдыт у банку. На адпаведны запыт банк адказвае, што iнфармацыя канфiдэнцыяльная. I клiенту трэба накiроўвацца ў банк самому.

Так што зразумела, чаму зараз у пiнскiм фiлiяле РУП «Брэсцкае агенцтва па дзяржаўнай рэгiстрацыi i зямельнаму кадастру» галоўную стаўку робяць на электронны абмен iнфармацыяй. Як расказала карэспандэнту «МС» намеснiк начальнiка фiлiяла Iрына Сяргеенкава, памiж iх службай i землеўпарадкавальнай такi абмен ужо наладжаны. Бо з зямлёй, як паказвае вопыт, узнiкае найбольш пытанняў, i яны самыя складаныя. Зараз гэтыя аперацыi па электроннаму запыту i атрыманню адказу займаюць прыкладна месяц. За год, паводле слоў Iрыны Людвiгаўны, камп’ютар агенцтва зэканомiў, умоўна кажучы, сем тысяч наведванняў. Менавiта столькi разоў людзям не прыйшлося iсцi ў зямельныя службы i ўладкоўваць там пытаннi — гэта зрабiлi рэгiстратары агенцтва нерухомасцi з дапамогай электронiкi.

А лiтаральна праз тыдзень-другi, паведамiла Людмiла Сяргеенкава, пачнецца электронны абмен i з натарыяльнай службай. I гэта можна лiчыць вялiкiм крокам, амаль што прарывам на шляху да «аднаго акна».