Bulbamovie — наша кіно ў Варшаве. 21.by

Bulbamovie — наша кіно ў Варшаве

Размер текста:
A
A
A

26–28 кастрычніка ў Варшаве пройдзе Bulbamovie — фэст сучаснага беларускага кіно.

Пра тое, навошта гэтая дзвіжуха палякам, беларусам і ўсяму астатняму свету, распавядае арганізатар фэсту Януш Гаўрылюк.

Януш Гаўрылюк, 37 гадоў. Адзін з арганізатараў Bulbamovie. Скончыў Цыркавую школу ў Юлінку (спецыяльнасць — эквілібрыст), факультэт беларускай філалогіі ў Варшаўскім універсітэце, «лабараторыю рэпартажу» на аддзяленні журналістыкі Варшаўскага ўніверсітэту. Працуе рэдактарам на «Белсаце».

Што такое Bulbamovie?

Bulbamovie — гэта фэст «непартызанскага» беларускага кіно, які пройдзе ў Варшаве 26–28 кастрычніка. Калі казаць больш шырока — гэта праект, пакліканы пазнаёміць палякаў з сучаснымі беларускімі фільмамі і беларускай рэчаіснасцю за межамі трыяды «дыктатура, апазіцыя, Лукашэнка».

Як фэст праходзіў летась? І што будзе гэтым разам?

У 2011-м фэст быў своеасаблівай справаздачай пра фільмы made in Belarus за апошнія гадоў дзесяць. Мы не паказвалі прыгодаў Анастасіі Слуцкай або стужак пра барацьбу з «апошняй дыктатурай», а паспрабавалі сканцэнтравацца на беларускам «офавым» кіно. Былі культавыя «Случай с пацаном» Лобана і «Акупацыя. Містэрыі» Кудзіненкі. Былі працы нікому тут не вядомых Лобача, Каласоўскага і Асмялоўскага. Былі дакументалкі Куцілы, Аслюка і Адамовіч. Карацей, было амаль усё, вартае ўвагі.

Гэтаю восенню Bulbamovie будзе ўжо фэстам актуальнага белкіно. У нас будуць узнагароды (залатая, срэбраная і бронзавая бульбіны) і адпаведныя грашовыя прэміі (2500, 1500 і 1000 злотых).

Сёлета Bulbamovie — гэта адкрыты конкурс, на якім мы чакаем пабачыць маладое і дзёрзкае кіно з Беларусі.

Якія фільмы трапяць на фэст?

Для нас сёлетні Bulbamovie — гэта эксперымент. Мы самі яшчэ цалкам не разумеем, што на ім будзе паказвацца. Для нас не мае значэння, мастацкая стужка ці дакументальная, ідзе яна 2 гадзіны ці 10 хвілін.

Несумненна, Bulbamovie разлічаны не на Галіну Адамовіч і Віктара Аслюка, а на тых, хто цяпер толькі пачынае рухацца.

Хоць ніякіх абмежаванняў ва ўзросце ўдзельнікаў няма. Адзінае, што фільмы павінны быць зробленыя ў апошнія пяць гадоў. Асабіста я хацеў бы пабачыць нешта кшталту «Случая с пацаном-2».

Каго цікавіць белкіно ў Польшчы?

Пра беларускае кіно ў Польшчы ніхто нічога не ведае. Падчас першага Bulbamovie я арганізоўваў дыскусійныя панэлі. Польскія кінакрытыкі і журналісты баяліся на іх прыходзіць, бо для іх сучаснае белкіно — сапраўдная terra incognita.

Усё, што не датычыць Лукашэнкі, дыктатуры і апазіцыі, у медыйным польскім кантэксце не існуе. З гэтай прычыны я баяўся, што Bulbamovie зацікавіць толькі варшаўскіх беларусаў.

Але за 2,5 дні першага фэсту на яго прыйшлі 1,5 тысячы чалавек, большасць з якіх — палякі. Пра нас напісалі амаль усе буйныя СМІ, якія былі ўражаныя тым, што ёсць і такое беларускае кіно.

Я бачу, што цікавасць палякаў да беларускіх падзей падае. Бо ў СМІ ўжо шмат гадоў інфармацыя абмяжоўваецца крызісамі, апазіцыяй і дзейнасцю Лукашэнкі. Таму цяпер людзі хочуць пабачыць, што ж у Беларусі ёсць акрамя гэтага.

Ці існуе беларускае кіно ў агульнаеўрапейскім кантэксце?

Шчыра кажучы, не існуе. Але цяпер ёсць надзея, нейкія штуршкі, якія сведчаць пра тое, што сітуацыя пачынае змяняцца. Сёлета знятыя «У тумане» Лазніцы і Viva Bel@rus. Гэта небеларускае кіно пра Беларусь, якое, на маю думку, перш за ўсё павінна падштурхнуць маладых беларусаў пачаць здымаць фільмы на радзіме.

Бо я веру, што для моладзі найлепшая тактыка — падарожнічаць па свеце, знаёміцца з найлепшым і найлепшымі, а потым выкарыстоўваць сусветны досвед у беларускіх рэаліях.

Падставаў для суму няма. Вось румынскага кіно калісьці таксама не існавала, а потым з’явілася румынская «новая хваля» — і ўсе афігелі.

Як патрапіць на Bulbamovie?

Запоўніць анкету на сайце даслаць DVD са сваім фільмам на адрас STOWARZYSZENIE MY, ul. Szymanowskiego 7 lok. 98, 03–477 Warszawa, Poland. Тэрмін — да 15 верасня 2012 года.

Tweet

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
26–28 кастрычніка ў Варшаве пройдзе Bulbamovie — фэст сучаснага беларускага кіно.
 
 
 


Архив (Новости Культуры)

21.by в социальных сетях

Свежие газеты

14.12.2018
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Голас Сененшчыны
Патриот (Ушачи)
Чырвоны прамень
Клiч Радзiмы
Газета Авангард
Новости Волковыска
Вороновская газета
Ивьевский край
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)
15.12.2018
Mir24.TV Belarus
Полесская правда
Пинский Вестник
Гарадоцкi веснiк
Газета Авангард
Вороновская газета
Полымя
Lida.Info
Заря над Неманам
Светлы шлях
Единство
Нясвижскiя навiны
Слуцк Город
Маяк Преднепровья
Радзiма
Горецкий вестник
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика