У Мінску прэзентавалі невядомыя аўтографы Максіма Багдановіча. 21.by

У Мінску прэзентавалі невядомыя аўтографы Максіма Багдановіча

27.11.2013 16:36 — Новости Культуры | Tut.by  
Размер текста:
A
A
A

Источник материала: Tut.by

Літаратурны музей Максіма Багдановіча 26 лістапада адкрыў выставу "Знаходкі 2013. Невядомыя аўтографы Максіма Багдановіча".



Зараз фонд музея папоўніўся трыма аўтографамі. Першы - дароны надпіс Максіма Багдановіча свайму сябру на зборніку "Вянок": "Мікалаю Пятровічу Дружыніну ад аўтара". Гэты рукапіс знайшлі ў Яраслаўлі, дзе працаваў паэт у газеце "Яраслаўскі голас".

Другія два аўтографы знайшлі дзякуючы навіне ў інтэрнэце, што Цэнтральны літоўскі архіў апрацаваў беларускі фонд і адкрыў для карыстання. Сярод пералічаных матэрыялаў проста значылася: два аўтографы Багдановіча ў рэдакцыю газеты "Наша ніва". У выніку музей атрымаў высакаякасныя фотакопіі арыгіналу (зразумела, сам аргыгінал музей не аддасць). У 80-я гады музеі перадавалі адзін аднаму толькі ксеракопіі.

"Знаходка можа здацца звыклай справай, але для тых, хто ўмее шанаваць, гэта сапраўдная падзея. Гэта сведчыць, што не трэба спыняць пошукі", - сказаў Анатоль Буцевіч, які піша пад псеўданімам Максім Валошка, і заклікаў музейных супрацоўнікаў не складаць рукі.

Самі супрацоўнікі музею лічаць, што знаходкі стануць фундаментам па ўдасканаленні працы па творчасці Багдановічу. Навукоўцы больше за 70 год шукаюць рукапісны архіў з 14 папак, сабраны Акадэміяй навук Беларусі падчас падрыхтоўкі першага акадэмічнага выдання твораў Максіма Багдановіча. Архіў знік у часы Другой Сусветнай вайны, і дагэтуль незразумела, дзе ён. Ёсць версіі, што яго вывезлі ў Германію. Так што архівістам і музейным супрацоўнікам яшчэ ёсць пра што марыць.

Рукапісная спадчына Багдановіча раскіданая па ўсім свеце. Вядома 88 адзінак рукапісаў, 30 з якіх знаходзяцца ў Мінску ў музеі. Каб аб'яднаць усе знаходкі, галоўны захавальнік музея Людміла Сасонка працуе над электронным каталогам рукапісаў Максіма Багдановіча.


 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Першы - дароны надпіс Максіма Багдановіча свайму сябру на зборніку "Вянок": "Мікалаю Пятровічу Дружыніну ад аўтара".
 
 
 


Архив (Новости Культуры)

21.by в социальных сетях



Партнёры

  • calvin klein jeans обувь женская вот
© 2004-2019 21.by
Яндекс.Метрика