Полвека стажа на двоих, или Как в Шерешево две подруги любовь к чтению прививают. 21.by

Полвека стажа на двоих, или Как в Шерешево две подруги любовь к чтению прививают

19.01.2018 — Новости Культуры |  
Размер текста:
A
A
A

Источник материала:

Існуе меркаванне, што першае ўражанне заўсёды падманлівае. Але не ў гэтым выпадку. Дзве Вольгі — дзве прыгажуні — з першай нашай сустрэчы пераканалі мяне ў тым, што пасёлак Шарашэва – асаблівае месца на Пружаншчыне, дзе жывуць і працуюць адданыя сваёй справе, выдатныя людзі. І з кожным прыездам сюды ўсё больш і больш расла мая ўпэўненасць ў гэтым…
У мінулым годзе прыгожыя і добразычлівыя бібліятэкары Вольга Уладзіміраўна Фасевіч і Вольга Трафімаўна Крэйдзіч па выкананні планавых паказчыкаў вывелі сваю ўстанову ў лік найлепшых бібліятэк раёна.

На абедзвюх жанчын — больш за паўстагоддзя “бібліятэчнага” стажу. Шмат гадоў і заўсёды са шчырымі ўсмешкамі яны сустракаюць сваіх чытачоў і разам з выкладчыкамі ДШМ, якія працуюць побач, паверхам вышэй, ствараюць у агульным будынку сапраўдны культурны “аазіс” пасёлка. Без іх не абыходзіцца сёння ні адно свята…
Вольга Фасевіч родам з в. Мурава. Пасля заканчэння школы вучылася ў Магілёўскім бібліятэчным тэхнікуме, а атрымаўшы чырвоны дыплом, адразу паступіла ў Мінскі інстытут культуры. Пачынала свой працоўны шлях Вольга Уладзіміраўна ў Ружанскай бібліятэцы. Памятаюць жанчыну і наведвальнікі чытальнай залы Пружанскай цэнтральнай бібліятэкі, дзе яна працавала да 1992 года. І вось ужо чвэрць стагоддзя Вольга Уладзіміраўна жыве ў пасёлку Шарашэва і прывівае любоў да кніг яго жыхарам.
Яе калега Вольга Трафімаўна прыехала з Украіны. Таксама на выдатна скончыла Магілёўскі тэхнікум і ў 1989 годзе была размеркавана на Пружаншчыну. Праз некалькі гадоў у Шарашэве і перасякліся шляхі жанчын. У той час мясцовая бібліятэка знаходзілася па вул. Леніна (зараз у тым будынку – малітвены дом). Былы дырэктар пасялковага Дома культуры і вольнага часу Г.М. Фасевіч прывабіў жанчын у самадзейнасць. З таго часу дзве Вольгі-сяброўкі паспяваюць і з кнігамі працаваць, і музыкай захапляцца.
Шарашэўскія бібліятэкары супрацоўнічаюць не толькі з ДШМ і Домам культуры, але і са школай, і з мясцовым аддзяленнем “Беларускага саюза жанчын”. Вольга Уладзіміраўна і Вольга Трафімаўна нават стварылі пры сваёй установе клуб “Сяброўка Восень” для жанчын пенсіённага ўзросту, якія прыходзяць у бібліятэку на музычна-пазнавальныя духоўныя вечарыны, прымеркаваныя да вялікіх хрысціянкіх святаў: Вялікадня, Ражства, Пакроваў… Акрамя таго, удзельніцы клуба з задавальненнем ладзяць і іншыя імпрэзы (напрыклад, «Свята Кветак») з танцамі і чаяваннем.
Таксама пры бібліятэцы дзейнічаюць дзіцячы клуб “Лесавік” экалагічнага накірунку і «Школа карысных навук» для старшакласнікаў, дзе яны абмяркоўваюць самыя розныя тэмы.
— Гэта ж не крама, дзе чарга стаіць, і трэба як мага хутчэй абслугоўваць кліента, — кажуць бібліятэкары. — Нашым чытачам хочацца пагаварыць пра ўсё, а не толькі пра кнігу: паведаміць навіны, падзяліцца добрым настроем ці даць параду. Некаторыя нават жыццёвымі праблемамі дзеляцца. Мы заўсёды ўсіх выслухоўваем. Гэтага патрабуе сумленне…
Алена Зялевіч. Фота Сяргея Талашкевіча.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Існуе меркаванне, што першае ўражанне заўсёды падманлівае. Але не ў гэтым выпадку. Дзве Вольгі — дзве прыгажуні — з першай нашай сустрэчы пераканалі мяне ў тым, што...
 
 
 

РЕКЛАМА

Архив (Новости Культуры)

РЕКЛАМА


Яндекс.Метрика