Рыба наклявала на прызавое месца
20.02.2018
—
Новости Культуры
|
10 лютага на Сакаўшчынскім вадасховішчы прайшлі абласныя спаборніцтвы па лоўлі рыбы зімовай вудай на мармышку. У іх прынялі ўдзел 9 каманд з трох чалавек раённых структур Беларускага таварыства паляўнічых і рыбаловаў. Свае каманды выставілі Любанскі, Смалявіцкі, Салігорскі, Барысаўскі, Маладзечанскі раёны. Мінская структура была прадстаўлена ажно трыма камандамі. Нашу зону прадстаўлялі і валожынцы як гаспадары вадасховішча. Таксама ў спаборніцтвах удзельнічалі тры юнацкія каманды: дзве з Пухавіцкага раёна і адна з Нясвіжскага. У камандных спаборніцтвах перамагла адна з каманд Мінскага раёна. На другой прыступцы аказаліся нашы землякі, якім у той дзень рэальна шанцавала. За каманду Валожынскай структуры таварыства выступалі Валерый Доваль, Віктар Матус і Сяргей Іода. На трэцім месцы – рыбакі Смалявіцкага раёна. У асабістым заліку першынстваваў прадстаўнік Мінскага раёна М. А. Васільеў, агульны ўлоў якога склаў 1261 грам. Акрамя граматы ў падарунак лепшы рыбак спаборніцтваў атрымаў ледаруб. На другое месца з уловам 682 грамы выйшаў наш зямляк Валерый Доваль. Ён быў узнагароджаны наборам жарліц. У трэцяга прызёра, рыбака са Смалявіцкага раёна, улоў склаў 599 грамаў, у падарунак яму дасталася рыбалоўная скрыня. Наталля ШТЭЙНЕР Чтобы разместить новость на сайте или в блоге скопируйте код:
На вашем ресурсе это будет выглядеть так
10 лютага на Сакаўшчынскім вадасховішчы прайшлі абласныя спаборніцтвы па лоўлі рыбы зімовай вудай на мармышку. У іх прынялі ўдзел 9 каманд з трох чалавек...
|
|