Дарагія ветэраны і воіны Узброеных Сіл! Шаноўныя жыхары Валожыншчыны!
23.02.2018
—
Новости Культуры
|
Ад імя раённага выканаўчага камітэта і ад сябе асабіста шчыра віншую Вас з Днём абаронцаў Айчыны і Узброеных Сіл Рэспублікі Беларусь! Гэта свята з’яўляецца сімвалам вернасці воінскаму абавязку і стойкасці ўсяго народа ў барацьбе за свабоду і незалежнасць нашай Радзімы. Сёлета Узброеным Сілам Беларусі спаўняецца 100 гадоў. Наша армія – увасабленне высокага прафесіяналізму і выдатнай баявой вывучкі, надзейны шчыт Айчыны, гарант тэрытарыяльнай цэласнасці і суверэнітэту. Сёння на перадавых рубяжах папярэджання знешняй агрэсіі знаходзяцца 153 асобная Кёнігсбергская ордэна Чырвонай Зоркі радыётэхнічная брыгада асобага прызначэння, воінскія часці ў Гіравічах і Кіяўцы. Вы мірна выконваеце ролю стрымлівальнага фактару, прымаеце актыўны ўдзел у захаванні міру, стабільнасці і бяспекі роднай Беларусі. Вайскоўцы, члены раённай арганізацыі «Беларускага саюза афіцэраў», воіны-інтэрнацыяналісты ўносяць істотны ўклад у сацыяльна – эканамічнае развіццё рэгіёну, актыўна ўдзельнічаюць у грамадскім жыцці горада і раёна. У гэты святочны дзень мы аддаём і даніну павагі тым, хто цаной жыцця стаяў за Радзіму ў баях з ворагамі, хто гераічна адстаяў наша права на свабоду і магчымасць быць гаспадарамі на роднай зямлі, выбіраць лёс і самім вырашаць, як жыць. Подзвіг бацькоў і дзядоў застаецца ў сэрцах кожнага новага пакалення. Выказваю шчырую ўдзячнасць і людзям, якія мірнай і сумленнай працай умацоўваюць дабрабыт Валожыншчыны, прымнажаюць яе патэнцыял. Дарагія сябры! Жадаю, каб ніякія нягоды не азмрочвалі ваша жыццё. Трэба заўсёды памятаць, што сапраўдная абарона – гэта не толькі барацьба, але і ўменне шанаваць, захоўваць і паляпшаць усё дарагое сэрцу. Шчыра жадаю вам быць надзейнымі абаронцамі шчасця і дабрабыту сваіх родных. Міру вам, дабра і здароўя! Мікалай Анатольевіч АСТРЭЙКА, старшыня раённага выканаўчага камітэта Паважаныя жыхары Валожыншчыны! Шчыра, ад усяго сэрца віншуем вас са святам – Днём абаронцаў Айчыны і Узброеных Сіл Рэспублікі Беларусь! Сёння мы ўшаноўваем усіх, хто мае дачыненне да гэтага высокага звання: ад пакрытых сівізной і ўвянчаных ўзнагародамі франтавікоў да моладзі, якая толькі нядаўна апранула ваенную форму. Дарагія ветэраны! Перад вамі мы схіляем галовы, у вас вучымся любіць Радзіму. Шчыра жадаем добрага здароўя, доўгіх гадоў мірнага жыцця, увагі і клопату родных і блізкіх. Наша агульная задача сёння – захаваць шматвяковыя традыцыі, прымножыць сілу і магутнасць краіны, прывіць малодшаму пакаленню цікавасць да гісторыі і развіцця нашай роднай Беларусі. Шаноўныя землякі! У дзень доблесці і гонару хочацца пажадаць вам, вашым родным і блізкім невычэрпнай энергіі, аптымізму, стабільнасці, моцнага здароўя, міру, дабрабыту, веры ў шчаслівую будучыню нашых дзяцей і нашай краіны! Іван Станіслававіч МАРКЕВІЧ, дэпутат Палаты прадстаўнікоў Нацыянальнага сходу Рэспублікі Беларусь, Мікалай Вячаслававіч РАДАМАН, член Савета Рэспублікі Нацыянальнага сходу Рэспублікі Беларусь Чтобы разместить новость на сайте или в блоге скопируйте код:
На вашем ресурсе это будет выглядеть так
Ад імя раённага выканаўчага камітэта і ад сябе асабіста шчыра віншую Вас з Днём абаронцаў Айчыны і Узброеных Сіл Рэспублікі Беларусь! Гэта свята з’яўляецца...
|
|