Чым нас сустрэне “Берагіня”?. 21.by

Чым нас сустрэне “Берагіня”?

Размер текста:
A
A
A

 

Чым нас сустрэне “Берагіня”?
Некалькі дзён засталося да адкрыцця дзясятага па ліку рэспубліканскага фестывалю фальклорнага мастацтва “Берагіня”. Дваццаць год ідзе па Акцябрскай зямлі гэты самабытны фэст. Чым будзе здзіўляць гледачоў і прыхільнікаў фальклору юбілейны фестываль? Аб гэтым і не толькі наша размова з начальнікам адзела ідэалагічнай работы, культуры і па справах моладзі Святланай Беразоўскай.

– Святлана Анатольеўна, “Берагіні” 20 гадоў. Ці маглі вы прадставіць у 1998 годзе, што мясцовы фестываль стане нават не абласным, а рэспубліканскім. Што на яго будуць прыязджаць замежныя калектывы. Што яго пад ахову возьме ЮНЭСКА. Што фестываль не загіне, а будзе набіраць моц і збіраць сяброў.

– Канечне, мы аб гэтым не думалі і не марылі. Хаця работа па збіранню фальклорнага матэрыялу і прадстаўленне яго на публіку пачалася ў 80-х гадах мінулага стагоддзя. Яшчэ Валерый Болбас, калі быў начальнікам адзела культуры, арганізаваў мясцовы фестываль фальклорнай і народнай песні. Матэрыялу было шмат, паколькі жылі сапраўдныя носьбіты, які помнілі песні,  што заўсёды ішлі побач з чалавекам працы. Праходзіў фестываль ва ўрочышчы Брачын. Калі я ўзначаліла адзел, то фальклорныя набыткі не былі закінуты. Наадварот. У перастроечныя гады было неабходна напаўняць установы культуры новым сэнсам. Ўжо не было партыі, лозунгаў і іншых камуністычных праяў таго часу. Людзі хацелі слухаць песні не пра Леніна, а пра блізкія,  мясцовыя паняцці.   Існаваў фальклор,  такі знаёмы і родны людзям. Мы сталі паступова адраджаць народныя святы. Разам з песеннай творчасцю адкрыўся вялікі пласт танцаў. Аказалася, што нашы продкі не толькі пелі, але і танцавалі. Прычым,  у кожнай мясцовасці былі свае асаблівасці. Адных полек мы налічылі больш за 100. Беларускія танцы адрозніваюцца тым, што іх можна зваць танцамі-гульнямі. Мы сталі прыцягваць да іх дзяцей. У 90-я гады ў нас танцавалі ўсе школы, існавала 200 танцавальных пар. Адначасова мы зацікавіліся строем нашай мясцовасці. Таксама адкрылі, што ў адной вёсцы вышывалі ўзоры інакш, чым у другой. Бабулі сталі даставаць з полак даўнія рушнікі, спадніцы і іншыя віды аддзення.

– А ідэя стварыць фалькорны фестываль як прыйшла?

– У 90-я гады мы рыхтавалі ансамбль танца “Весніца” да прысваення звання “народны”. І за метадычнай дапамогай звярнуліся да Мікалая  Козенкі. Ён убачыў нашу даследчую фальклорную працу. Да нас у раён сталі прыязджаць спецылісты па фальлору рэспубліканскага ўзроўню, каб запісваць мясцовыя песні і танцы. І ў 1998 годзе прыйшлі да высновы, што той назапашаны матэрыял неабходна трасліраваць  людзям. Летам быў праведзены першы фестываль “Берагіня”, праходзіў ён на мясцовым, Акцябрскім, узроўні. І ўжо потым яго падтрымала вобласць, рэспубліка. Міністэрства культуры ўключыла “Берагіню” у план рэспубліканскіх мерапрыемстваў, ідэя фестывалю легла ў канцэпцыю нацыянальнай бяспекі на той момант. У гэтым годзе “Берагіня” пройдзе пры падтрымцы Міністэрства культуры Рэспублікі Беларусь, Гомельскага аблвыканкама, Акцябрскага райвыканкама, грамадскага аб’яднання “Беларускі фонд культуры”, пад патранатам Нацыянальная камісіі Беларусі па справах ЮНЭСКА.

 – Гэта вельмі прыемна і ганарова, што фестываль “Берагіня”, які жыхары Акцябрскага раёна называюць  “наш”, мае такую  падтрымку. Але напэўна асноўная нагрузка па арганіцазыі ляжыць усё ж на раёне?

– Безумоўна, і фінансавы бок, і арганізацыя за намі. Прадстаўце, у Акцябрскі прыедуць каля 800 чалавек. Хочацца, каб у гасцей засталіся прыемныя  ўражанні аб тых днях, якія яны тут правядуць. Я звяртаюся да нашых жыхароў, каб яны былі ветлівымі і гасціннымі. Каб прыходзілі на мерапрыемствы ў рамках “Берагіні”.  Каб нашы прадпрыемствы і арганізацыі таксама падтрымалі фестываль. Мы ўсе разам павінны ім ганарыцца. “Берагіня” мае вялікі выхаваўчы сэнс. Падумайце, колькі дзяцей у час падрыхтоўкі да фестывалю і ў дні правядзення заняты карыснай справай. Яны не сядзяць у гаджэтах і не ходзяць па вуліцах без мэты. Дзеці ведаюць, што такое культура. Яны напаўняюцца фальклорнай  творчасцю, яны размаўляюць на роднай мове, яны спяваюць і размауляюць па-беларуску. Яны з годнасцю апранаюцца ў нацыянальнае адзенне і на саромеюцца ў ім хадзіць. Ці гэта не цудоўна?

 – Спадзяюся, што нашы жыхары гэта разумеюць. Святлана Анатольеўна, чым зацікавіць фестываль у гэтым годзе?

– Як і заўсёды ў  рамках “Берагіні” пройдзе шмат розных мерапрыемстваў. Юбілейны фестываль будзе доўжыцца пяць дзён. У сераду, 20 чэрвеня, адбудцецца святочная імпрэза да 20-годдзя  ўзорнага  ансамбля «Рудабельскія зорачкі». Гэта наш вядучы фальклорны калектыў, які з’явіўся разам с “Берагіняй”, і да гэтага часу паспяхова існуе, гастраліруе і захапляе не адно пакаленне дзяцей фальклорным мастацтвам. Прыходзьце ўсе на канцэрт “Зорачак” 20 чэрвеня ў 19 гадзін у цэнтр вольнага часу. У гэты ж дзень адкрыецца рэспубліканская навукова-практычная канферэнцыя «Традыцыйная культура і дзеці: праблемы этнавыхавання». Да ўдзелу ў мерапрыемстве падтрыхтавана вялікая колькасць дакладаў. Адкрыццё фестывалю адбудзецца у чацвер, 21 чэрвеня, ў гарадскім скверы ў 15 гадзін. Навінкай юбілейнага фестывалю стане “Рэспубліканскі баль. Гэта свята народнай харэаграфіі, музыкі і песні. Яно пройдзе ў пятніцу на Цэнтральнай плошчы і пачнецца ў 22 гадзіны 30 хвілін. Канечне, нас чакае відовішчнае і любімае многімі свята “Рудабельскае Купалле”. Як звычайна ўсе жадаючыя змогуць прыняць удзел у пляценні вянкоў і купальскім шэсце, карагодзе і забаўляльнай праграме, захапіцца містэрыяй купальскага агню, паслухаць купальскія песні. Таксама на возеры запланаваны фейерверк. У нядзелю пройдзе відовішча-шэсце ўдзельнікаў, канцэрт беларускіх дзіцячых і моладзевых мастацкіх калектываў-гасцей фестывалю, рэспубліканскае свята народнай творчасці «Рудабельскі кірмаш», урачыстая цырымонія ўзнагароджання і канцэрт лаўрэатаў фестывалю. І пасля закрыцці фестывалю адбудзецца канцэрт беларускага дзяржаўнага  ансамбля народнай музыкі «Свята». Калі ласка, прыходзьце с дзецьмі, сем’ямі. Упэўнена, вы прыемна правядзеце час. Сюрпрызаў будзе шмат!

– Дзякуй, Святлана Анатольеўна.

Ірына ЛЯШКОВА.

 

 

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
  Некалькі дзён засталося да адкрыцця дзясятага па ліку рэспубліканскага фестывалю фальклорнага мастацтва “Берагіня”. Дваццаць год ідзе па Акцябрскай зямлі...
 
 
 


Архив (Новости Культуры)

21.by в социальных сетях

Свежие газеты

13.08.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Новости Докшицы
Днепровская правда (Дуюровно)
Патриот (Ушачи)
Клiч Радзiмы
Газета Авангард
Новости Ветки
Лоевский край
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Прамень
Маяк Преднепровья
Радзiма
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
14.08.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Новости Полоцка
Патриот (Ушачи)
Чырвоны прамень
Газета Авангард
Новости Ветки
Лоевский край
Чырвоны Кастрычнiк
Петрыкаускiя навiны
Чачэрскi веснiк
Новости Волковыска
Вороновская газета
Ивьевский край
Полымя
Lida.Info
Лидская газета
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Прамень
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)

© 2004-2018 21.by
Яндекс.Метрика