У Баранавічах адновяцца заняткі па беларускіх народных танцах

Навучацца беларускім народным танцам жыхары Баранавіч пачалі ў 2016 годзе. Тады заняткі праводзілі знаёмыя трэнеры з Мінска: Аляксей Куркоўскі і музыкі капэлы «На таку», а таксама Цімафей Акудовіч, беларускі гісторык ды краязнаўца. Тады яны вучылі самым простым, але ў той жа час самым галоўным танцам: Лявоніха, кракавяк, падыспан, полька. У пачатку мая правядзенне ўрокаў часова спынілі.

– 23 лістапада на першыя заняткі сезона прыедуць ужо знаёмыя трэнеры з Мінска, а далей іх заменяць баранавіцкія музыкі. Авалодаць культурай танца змогуць усе жадаючыя, незалежна ад узросту, – расказала Intex-press Юлія Траццяк.

Тых, хто збіраецца прыйсці на заняткі, арганізатары просяць мець з сабой невялікія грошы на ахвяраванне музыкам. У далейшым танцы будуць праводзіцца два разы на месяц па чацвяргах.