Главная
Гороскопы
Такую навагоднюю праграму падрыхтаваў Столінскі раённы краязнаўчы музей для сваіх наведвальнікаў.
Усе жадаючыя атрымаюць магчымасць трапіць у святочную атмасферу: іх сустрэнуць прыгажуня-ёлка, цікавыя мерапрыемствы і выстава навагодніх атрыбутаў. Аснову выставы складаюць ёлачныя цацкі, гірлянды, паштоўкі, створаныя ў канцы 1940-х – пачатку 1990-х гадоў. Усе яны ўваходзяць у калекцыю музея, якая дзякуючы мясцовым жыхарам фарміравалася на працягу апошніх гадоў. І ў жыхароў раёна ёсць яшчэ выдатная магчымасць увайсці ў гісторыю, таму што работа па зборы цацак і паштовак працягваецца і зараз.
Дарагія сябры! У кожнай сям’і частку месца займаюць старыя кніжкі з казкамі для дзяцей. Мы просім падзяліцца такімі кнігамі з намі. Для нашых маленькіх наведвальнікаў з такіх кніг будзе падрыхтавана выстава “Кнігі майго дзяцінства”.
Наведвальнікам, якія гатовы падзяліцца з музеем цацкамі, старымі навагоднімі гірляндамі, паштоўкамі і дзіцячымі кнігамі з дамашніх скарбаў, будзе зроб-лены навагодні падарунак – бясплатнае наведванне музея ў навагоднія святы.
А каб навагодні настрой не канчаўся, музей прапануе прагляд святочных мультфільмаў савецкага перыяду і прыняць удзел у забаўляльным квэсце «Навагоднія скарбы музея». Разам з супрацоўнікамі музея кожны зможа адказаць на краязнаўчыя пытанні і адшукаць адсутныя ўпрыгожванні навагодняй ёлачкі, тым самым праявіўшы сваю эрудыцыю.
УВАГА! У межах праграмы “Нашы дзеці” музей інфармуе, што наведванне музея і нашых святочных мерапрыемстваў для дзяцей з сацыяльнага прытулку і дзяцей з абмежаванымі магчымасцямі бясплатнае.
Чакаем вас у госці!
Святлана Вярэніч,
дырэктар
Столінскага раённага краязнаўчага музея