Баранавіцкія сябры Таварыства беларускай мовы 21 лютага павіншавалі дзетак з беларускамоўнага класа гімназіі №4 са святам роднай мовы і нагадалі ім пра важнасць беларускай мовы ў іх жыцці.
– Мы падзякавалі вучням за тое, што яны падтрымліваюць мову і разумеюць яе значнасць, – распавяла Intex-press Таццяна Малашчанка.
Сябры ТБМ прынеслі дзецям падарункі – кубкі з нацыянальным арнаментам і крэатыўныя паштоўкі на беларускай мове.
У пятніцу, 22 лютага, сябры ТБМ будуць віншаваць з Днём роднай мовы дзетак з беларускамоўнага 1«Б» класа.