Майстар-метадыст цэнтра рамёстваў Віцебскага раёна занесена ў кнігу «Забава. Народная цацка і лялька Віцебшчыны». 21.by

Майстар-метадыст цэнтра рамёстваў Віцебскага раёна занесена ў кнігу «Забава. Народная цацка і лялька Віцебшчыны»

Размер текста:
A
A
A

Месяц таму ў Віцебскім абласным метадычным цэнтры народнай творчасці адбылася прэзентацыя навукова-папулярнага выдання «Забава. Народная цацка і лялька Віцебшчыны». У раздзеле «Керамічная цацка і свістулька» старонка адведзена майстру-метадысту раённага цэнтра «Адраджэнне» Алесі Сарбаш.

Майстар-метадыст цэнтра рамёстваў Віцебскага раёна занесена ў кнігу «Забава. Народная цацка і лялька Віцебшчыны»

На здымку: Алеся Сарбаш

Гэта той выпадак, калі захапленне перарасло ў спецыяльнасць «мастак дэкаратыўна-прыкладнога мастацтва», якую Алеся атрымала ў Віцебскім вышэйшым прафесійным вучылішчы народных рамёстваў. Майстар-метадыст  стварае дробную пластыку на гістарычныя і этнаграфічныя сюжэты, у прыватнасці, займаецца адраджэннем розных спосабаў вырабу свістулек. Яна выпрацавала ўласны стыль, дзе відавочнае імкненне наблізіцца да народнай традыцыі. Алеся Леанідаўна зрабіла рэканструкцыю антрапаморфнай свістулькі XVII стагоддзя, знойдзенай у час раскопак у Віцебску, паводле публікацый Міхася Ржавуцкага.

Сарбаш з’яўляецца ўдзельніцай і дыпламантам свята конкурсу свістулькі «Салавейка» ў межах міжнароднага фестывалю песні і музыкі «Дняпроўскія галасы ў Дуброўне» (2017, 2018 гг.), міжнароднага конкурсу майстроў па кераміцы і ганчарстве «Гліна спявае» ў межах фестывалю мастацтваў «Славянскі базар у Віцебску» (2018 г.).

Свой вопыт і любоў да народнай творчасці Алеся Леанідаўна перадае дзецям, яна вядзе заняткі ў аматарскім аб’яднанні «Гліняныя скарбы» цэнтра рамёстваў «Адраджэнне». Часцей за ўсё свістулькі зроблены ў выглядзе хатніх і дзікіх жывёл і птушак. Нягледзячы на падобныя асновы цацак, кожную істоту можна пазнаць па характэрных асаблівасцях: крутая шыя з грывай — у каня, закручаный рогі — ў барана, грэбень з «бародкай» — у пеўня і г. д.  Выхаванцы Сарбаш у мінулым годзе прымалі ўдзел у выставах  пад назвамі «У нас адзіная планета, у нас адзіная сям’я», «Велікодны сувенір», «Усякая справа чалавекам славіцца» і іншых. Апрача керамікі, майстрыха захапляецца вязаннем, шыццём з лапікаў тканіны і іншымі відамі творчасці.

Кніга будзе карыснай краязнаўцам, этнографам, майстрам і аматарам народнай творчасці — усім, хто цікавіцца гісторыяй і традыцыйнай культурай.

Ніна Сталярэнка

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
 
 
 


Архив (Новости Культуры)

21.by в социальных сетях



Партнёры

© 2004-2018 21.by
Яндекс.Метрика