«Жыві, крынічанька, жыві!» Свята пад такой назвай прайшло ў аграгарадку Мазалава
19.08.2019
—
Новости Культуры
|
Арганізатарамі мерапрыемства выступілі мясцовыя культработнікі. Правядзенне ўрачыстасцей у гонар калодзежаў і крыніц штогод у жніўні стала ўжо традыцыйным. На гэты раз святочная дзея ладзілася ля гаючай крыніцы, што знаходзіцца ля пяціпавярховага дома, і ўнесена ў спіс сямі цудаў Мазалава. Месца ля прыроднага аб’екта было добраўпарадкавана падчас удзелу ў праекце міжнароднай тэхнічнай дапамогі «Пашырэнне эканамічных магчымасцей у сельскай Беларусі» пры фінансавай падтрымцы Еўрапейскага саюза і фонду «Еўразія». Сумесная ініцыятыва «Адукацыя і адраджэнне гісторыка-эканамічнай спадчыны для ўстойлівага развіцця Мазалаўскага і Бабініцкага сельскіх Саветаў», які рэалізоўваўся некалькі год назад. Падчас свята ўдзельніцы народнага жаночага клуба «Залаты ўзрост» прайшліся з песнямі па вуліцы Меліяратараў, ля крыніцы — весялілі мясцовых жыхароў. Тут жа сярод прысутных быў праведзены чарговы розыгрыш на падпіску раённай газеты «Жыццё Прыдзвіння» на верасень. Яе атрымала Ніна Кандрацьева. У гэты ж дзень у Мазалаўскім СДК па ініцыятыве ўдзельніц «Залатога ўзросту» адбылося адкрыццё выставы «Кветкавая ідылія». Андрэй Струнчанка Чтобы разместить новость на сайте или в блоге скопируйте код:
На вашем ресурсе это будет выглядеть так
|
|