Не дамовіўся з… банкаматам

Источник материала:

Ніхто не ведае, калі спатрэбяцца грошы. Добра, калі яны адразу ёсць у наяўнасці. І зусім іншая сітуацыя – калі яны на банкаўскай картцы. Вось і грамадзяніну Р. тэрмінова спатрэбіліся грошы. На вуліцы ўжо сцямнела, але мужчыну гэта не спыніла. Упэўненым крокам ён накіраваўся да банкамата, размешчанага каля райбальніцы. Аднак здарылася непрыемнасць – картка завісла. Мужчына ў роспачы застыў на месцы – ні грошай, ні карткі. Аднак праз хвілу, пакрыўджаны, стаў кулакамі біць па банкамаце. Такія бессаромныя паводзіны і зафіксавала відэакамера ўстановы.
Судом мужчына асуджаны за наўмыснае пашкоджанне маёмасці.
Вольга ТРАЦЦЯК, старшы следчы райаддзела Следчага камітэта