Адпачынак у Крыме: танна і якасна?. 21.by

Адпачынак у Крыме: танна і якасна?

Размер текста:
A
A
A

Источник материала: Рэгіянальная газета (Молодечно)


Варанцоўскі палац, Алупка.

Часта кажуць, што адпачынак у Крыме самы танны. Ці праўда гэта? Ці значыць гэта, што за невялікія грошы вам прапануюць адпачыць якасна? Давайце лічыць разам!

Рыхтавалася я сёлета да адпачынку паводле прынцыпу жарту з КВЗ: не назбіраў грошы, дык хоць у Крым. Набыўшы квіткі ў плацкартны вагон (абавязкова недзе за 45 дзён да паездкі – іначай іх проста ўжо не будзе ў продажу), я пачала чакаць адпачынку.

Квіткі ў плацкартны вагон на цягнік да Сімферопаля абыдуцца прыкладна ў адзін мільён рублёў у два бакі з чалавека.

Думкі ў дарозе

25 гадзін на цягніку, і вось за вокнамі краявіды Крыма: сланечнікавыя палі, горы, мора… Дзякуючы таму, што вольнага часу ў цягніку  шмат, можна з курортным месцам вызначыцца тут. Мой выбар у гэты раз быў на карысць горада Алушта, што на паўднёвым беразе Крыма. Як толькі мы пакінулі цягнік, да нас, як мухі на мёд, зляцеліся таксісты з усяго паўвострава. Адсюль можна даехаць ва ўсе гарады і мястэчкі старога добрага Крыма.

 


Таксі да Алушты вам станецца ў суму прыкладна 300 тысяч рублёў, але тут – як дамовішся з таксістам.

Лішніх грошай у нас не было, таму, адмовіўшыся ад хуткасці і камфорту, рушылі  на аўтавакзал. Дарэчы, ён тут зусім побач.

Квіток на аўтобус каштуе  20 тысяч рублёў. Кошты, вядома, ва ўкраінскіх грыўнях, але курс можна лічыць як 1:1, таму да кошту ў грыўнях я проста дадаю тры нулі.

Калі зусім шкада грошай, можна паехаць да месца на тралейбусе. Кошт 9 тысяч рублёў. Але і часу гэта займае больш. Прынамсі, дарога да Алушты зойме гадзіны дзве.

Я ў бабулі жыву

Варыянтаў жылля ў Крыме не проста шмат, а занадта шмат. Жыллё прапануюць усе: і бабулі-гаспадыні, і прадпрымальныя рыэлтары, і таксісты, і шыльды розных гатэляў і пансіянатаў на кожным кроку... Выбірай на любы густ!



Хочаш дом, хочаш пакой, кватэру. Каля мора, у цэнтры горада… Кошты ад 50 тысяч рублёў на суткі з чалавека за пакой. За асобную кватэру гэту суму адразу трэба памножыць на тры.

Зразумела, што чым  бліжэй да мора і да камфорту, тым даражэй. Дарэчы, пансіянаты, пры наяўнасці вольных месцаў,  цешаць прымальнымі коштамі.

Абед па раскладзе

Калі ваш выбар, як і мой,  – гэта адпачынак без харчавання, то вам давядзецца шукаць варыянты дзе смачна і, што тут хаваць, танна паесці.

Крымскія сталовыя, якіх шмат на кожнай вуліцы, комплексны абед прапануюць  за 30-40 тысяч. Прычым першыя стравы (супы, салянкі) зусім недарагія (7-10 тысяч).

Калі бюджэт дазваляе, можна харчавацца ў кавярнях, барах. Там абед абыдзецца ненашмат даражэй, але трэба мець на ўвазе, што амаль ва ўсіх такіх установах вам у рахунак уключаць 10 % ад сумы замовы.



І яшчэ адно. Тое, што ў меню напісана: “Падзяка афіцыянту вітаецца”, можа значыць, што рэшту вы так і не дачакаецеся. Праверана на ўласным досведзе.

Не хлебам адзіным…

Галоўная перавага адпачынку ў Крыме, на мой погляд, гэта багатая гісторыя гэтага паўвострава  і безліч маршрутаў для экскурсій.

Экскурсіі прапануюць шматлікія турыстычныя фірмы.  Пад’ём у горы ці марскія вандроўкі на цеплаходзе, палацы, у якіх да сённяшняга дня адчуваецца энергетыка іх уладальнікаў, ці прыродныя дзівы: пячоры ды вадаспады.

На аўтобусе ці джыпах, на конях ці на роварах. Выбірайце на свой густ. Экскурсія абыдзецца вам у суму ад  200 да 350 тысячаў рублёў. Але гэта таго каштуе. Бахчысарай, Балаклава, Севастопаль, Херсанэс, Джур-Джур, Гурзуф…Ад адных назваў сэрца замірае ў прадчуванні!

“Прывязі мне магніцік!”

Першае, што чуеш, калі паведамляеш сваім знаёмым, што едзеш адпачываць, гэта словы:  “Прывязі мне што-небудзь”.
Самыя папулярныя гасцінцы – магніты на лядоўню і бірулькі для ключоў. Падобны гасцінец абыдзецца вам ад 5 да 25 тысяч рублёў.

Калі вашы сябры больш патрабавальныя, раю звярнуць увагу на касметыку (гліну, солі, мыла ручной работы і г.д.), варэнне з кізілу, пялёсткаў  руж, горны мёд і, вядома, спіртныя напоі (знакамітыя крымскі каньяк ды віно).

Увага: па нормах можна перавозіць не больш за тры літры спіртных напояў на чалавека.

Лыжка дзёгцю

Магчыма, вы запытаецеся: а дзе мора? Чаму ва ўсім артыкуле ні слова пра пляжы і мора? Таму што для мяне тое, дзеля чаго мы цэлы год збіраем грошы і едзем за тысячы кіламетраў, і апынулася самым непрыемным ва ўсёй гісторыі.
Не, з морам усё ў парадку: і цёплае, і чыстае…

А справа ў тым, што амаль усе пляжы ў Крыме перададзены ў прыватную ўласнасць.

І каб дзянёк папесціцца на такім пляжы, вам давядзецца аддаць 30 тысяч рублёў.


Калі ж выбіраць пляж агульнага доступу, то проста слёзы падступаюць! 1-2 пляжы на 100 000 насельніцтва! Прыйшоў на гадзіну пазней – і месца пад сонцам можна проста не знайсці!

Якое выйсце з гэтага становішча? Для мяне толькі адно: вядома, адпачываць у Крыме варта, але трэба выбіраць для гэтага месцы, дзе ў кошт пуцёўкі абавязкова ўключаны ўваход на пляж!

Падбіваючы касу, магу сказаць: два тыдні крымскага сонца і мора абышліся мне ў суму 4 500 тыс. беларускіх рублёў! Прычым, 50 даляраў яшчэ засталося. Пачатак адпачынку - 2014 пакладзены!

Наталля ТУР.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Часта кажуць, што адпачынак у Крыме самы танны. Ці праўда гэта? Ці значыць гэта, што за невялікія грошы вам прапануюць адпачыць якасна? Давайце лічыць разам!
 
 
 


Архив (Разное)

21.by в социальных сетях

Свежие газеты

16.09.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Днепровская правда (Дуюровно)
Голас Сененшчыны
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Кричевская жизнь
Асiповiцкi край
Новости Хотимска
Святло кастрычнiка (Мстиславль)
17.09.2019
Кобринский вестник
Навiны Палесся
Полесская правда
Пинский Вестник
Гарадоцкi веснiк
Днепровская правда (Дуюровно)
Голас Сененшчыны
Патриот (Ушачи)
Чырвоны прамень
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Кировец
Кричевская жизнь
Асiповiцкi край
Новости Хотимска
Святло кастрычнiка (Мстиславль)

© 2004-2018 21.by
Яндекс.Метрика