У аўторак у Беларусі чакаюцца дажджы і да 15 градусаў цяпла

У аўторак, 21 сакавіка, у Беларусі чакаецца воблачнае з праясненнямі надвор'е. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы па захадзе, а зранку і ўдзень на большай частцы тэрыторыі краіны пройдуць ападкі, пераважна дождж. Уначы і зранку ў асобных раёнах магчымы слабыя туман і галалёд, на асобных участках дарог галалёдзіца. Вецер будзе паўднёвы, паўднёва-заходні 4-9 метраў за секунду, з парывамі да 14 метраў за секунду.

Уначы тэмпература паветра прагназуецца ад -3 па ўсходзе да +4 па захадзе. Удзень слупок тэрмометра пакажа +5...+11 градусаў, а па паўднёвым захадзе — нават да 12-15 вышэй за нуль.