25 ліпеня — Дзень пажарнай службы

Источник материала:

ПАВАЖАНЫЯ работнікі і ветэраны пажарнай службы Мядзельшчыны! Шчыра віншуем вас з прафесійным святам!
Цяжка пераацаніць важнасць і значнасць той справы, якую выконваеце. Рызыкуючы жыццём, вы ратуеце ад агню людзей, іх прытулак і маёмасць. Мужнасць, адвага, смеласць, гатоўнасць у любых умовах уступіць у барацьбу са стыхійным бедствам і прыйсці на дапамогу заўсёды былі адметнымі якасцямі людзей вашай прафесіі.
Упэўнены, што і надалей будзеце аддаваць усе сілы на процідзеянне вогненнай стыхіі і прафілактыку папярэджання пажараў.
Прыміце самыя шчырыя словы падзякі за бездакорнае служэнне высакароднай справе, гатоўнасць заўсёды прыйсці на дапамогу. Жадаем вам і вашым сем’ям моцнага здароўя, шчасця, дабрабыту, міру і дабра.
Раённы выканаўчы камітэт.
Раённы Савет дэпутатаў.