Літаратурная гасцёўня «Зямля і людзі» прайшла ў Ашмянскім музеі (фота, відэа). 21.by

Літаратурная гасцёўня «Зямля і людзі» прайшла ў Ашмянскім музеі (фота, відэа)

Размер текста:
A
A
A

Тыдзень напярэдадні прафесійнага свята работнікаў культуры прайшоў у нашым раёне пад назвай «Наша культурная спадчына». Клубныя ўстановы і бібліятэкі ў чарговы раз узгадалі і ўшанавалі імёны тых, хто імкнуўся нястомнай працай уславіць родны край, хто і сёння праз творчасць, краязнаўчыя даследаванні, навуковыя адкрыцці дбае аб росквіце зямлі, адкуль бяруць карані продкаў.


Аб такіх людзях вялася размова ў краязнаўчым музеі імя Багушэвіча, дзе прайшла літаратурная гасцёўня «Зямля і людзі».

Аляксандр Каранеўскі, Эдуард Корзун і Чэслаў Янкоўскі — асобы, якіх яднала адзіная мэта і адзінае жаданне — раскрыць перш для сябе, а таксама  для сваіх землякоў нязведаныя старонкі з гісторыі Ашмяншчыны.


На помніку Чэславу Янкоўскаму на віленскіх Росах выбіты словы: «Спачывае той, хто ніколі не меў спакою». Усе трое краязнаўцаў у сваіх памкненнях і прагавітасці да працы былі падобнымі,  пры жыцці імкнуліся зрабіць як мага больш. Кожны з іх пакінуў пасля сябе важкі след. Чэслаў Янкоўскі — чатырохтомнік «Павет Ашмянскі», Эдуард Корзун — кнігу «Гальшаны», Аляксандр Каранеўскі — гісторыка-дакументальную хроніку «Памяць. Ашмянскі раён».


У гэтым годзе спаўняецца 160 год з дня нараджэння Чэслава Янкоўскага — перакладчыка, пісьменніка, публіцыста, які сабраў грунтоўныя матэрыялы «да гісторыі зямлі і людзей». Пра жыццёвы і творчы шлях нашага земляка цікавую і змястоўную інфармацыю падрыхтавала дырэктар музея Настасся Навіцкая, а вось артыст народнага тэатра Яўген Астрамовіч распавёў ад імя свайго героя маналог з «Павета Ашмянскага» аб тым, чаму ён узяўся за справу па зборы  ўспамінаў старажылаў пра павет.


На мерапрыемства былі запрошаны старшакласнікі гарадскіх школ, тыя, хто ведаў асабіста Аляксандра Каранеўскага і Эдуарда Корзуна, іх родныя, вучні Гальшанскай школы, у якой размяшчаецца народны музей імя краязнаўца, а таксама людзі, для якіх гісторыя роднай зямлі нешта большае, чым проста даты і падзеі. Удзел у пасяджэнні гасцёўні прыняў народны ансамбль выкладчыкаў Ашмянскай дзіцячай школы мастацтваў «Карусель».

Для Аляксандра Каранеўскага гісторыя была прызваннем. Ён жыў гэтай навукай, не шкадаваў часу на тое, каб адшукаць таямніцу, звязаную з Ашмяншчынай. Радаваўся гэтым знаходкам і дзяліўся з чытачамі нашай раёнкі, у якой доўгі час працаваў. Часта прападаў у музеях, бываў у архівах Беларусі і Літвы, сустракаўся з людзьмі. Ён увесь час нешта занатоўваў, збіраў, сістэматызаваў. Аляксандр Рыгоравіч быў чалавекам надзвычай сціплым, ніколі і нічога не прасіў, не меў высокіх узнагарод. Шкада, што ён  не пабачыў  сваёй грунтоўнай работы,  бо пайшоў з жыцця некалькімі месяцамі раней,  чым выйшла ў свет сабраная ім па драбніцах кніга-хроніка. Прадаўжальніцай справы бацькі стала дачка Ларыса. Пасля заканчэння школы яна паступіла вучыцца на гістарычны факультэт БДУ і зараз выкладае гісторыю ў гарадской гімназіі. З гісторыяй звязала сваё жыццё і ўнучка Аляксандра Каранеўскага Кацярына.


Ізноў жа хочацца працытаваць Чэслава Янкоўскага, які калісьці напісаў: «Праз сто год ці знойдзецца такі чалавек, які будзе любіць сваю зямлю так, як я?». Безумоўна, такія людзі былі і будуць. У адзін час з Аляксандрам Каранеўскім жыў і працаваў Эдуард Корзун, для якога цэнтрам жыцця і творчых даследаванняў сталі Гальшаны, дзе надзвычай востра адчуваецца ірэальнасць быцця: сярэднявечча ўплятаецца ў сучаснасць, а прывіды са старадаўніх легенд — у штодзённасць. Як адзначылі вядучыя мерапрыемства Алена Нагель і Ірына Бусловіч, гісторык Уладзімір Чантурыя назваў Гальшаны адзіным у Беларусі мястэчкам, якое захавала свой архітэктурны твар. Стагоддзямі тут складваўся архітэктурны ансамбль, які надае населенаму пункту непаўторны «местачковы каларыт». Гэтаму мястэчку Эдуард Сямёнавіч прысвяціў сваю кнігу з аднайменнай назвай, а таксама сабраў багаты матэрыял для музея, які зараз носіць імя краязнаўца.  Падрыхтаваў некалькі артыкулаў для энцыклапедыі гісторыі Беларусі. Справу гальшанскага педагога і даследчыка прадаўжае  жонка Яніна Іванаўна, а таксама вучні мясцовай школы. Аб сваім земляку падрыхтавалі паведамленне вучаніцы 7 класа Гальшанскай СШ Анастасія Адашкевіч і Мілена Дулько. Яніна Іванаўна зачытала ўспаміны настаўніцы Таццяны Івановай пра Эдуарда Сямёнавіча.


У краязнаўстве маюцца два ўзроўні: адзін — для навукоўцаў, другі — для шырокай публікі. Абодва не супярэчаць адзін аднаму, а, наадварот, дапаўняюць. Шмат год сябруе з краязнаўчым музеем Тамара Філіповіч, былы дырэктар мясакамбіната, фатограф і даследчык, аўтар некалькіх прац пра Ашмянскі павет, чалавек, улюбёны ў Ашмянскі край. Яе па праву можна назваць прадаўжальніцай справы вышэй пералічаных асоб. Тамара Уладзіміраўна ўзгадала, што была добра знаёма з Аляксандрам Каранеўскім, і прызналася, што такія апантаныя людзі, як ён, сталі штуршком да даследчай дзейнасці, паслужылі яскравым прыкладам адданасці і служэння Айчыне.


Пройдзе час, стануць гісторыяй  сённяшнія падзеі і даты.  Па-іншаму мы будзем успрымаць і кнігі Тамары Філіповіч. Адшукаем на яе здымках людзей, якіх ужо няма, будынкі і славутасці, якія разбурыў час, і падзякуем аўтару за тое, што гісторыя не знікла разам з падзеямі, яна тут, побач з намі.

Аліна САНЮК.

Фота Святланы МУЦЯНСКАЙ.

Відэа Аляксандра НАУМЧЫКА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Тыдзень напярэдадні прафесійнага свята работнікаў культуры прайшоў у нашым раёне пад назвай «Наша культурная спадчына». Клубныя ўстановы і бібліятэкі ў
 
 
 


Архив (Разное)

21.by в социальных сетях

Свежие газеты

18.06.2018
Mir24.TV Belarus
Івацэвіцкі веснік
Кобринский вестник
Полесская правда
Пинский Вестник
Варяг-пресс
Міёрскія навіны
Чырвоны прамень
Клiч Радзiмы
Герой працы
Газета Авангард
Новости Ветки
Народны голас
Лоевский край
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Ивьевский край
Полымя
Свислочская газета
Светлы шлях
Единство
Новости Дзержинска
Инфа-Курьер
Слуцк Город
Смалявiцкi край
Прамень
Раёны весник
Маяк Преднепровья
Радзiма
Горецкий вестник
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)
19.06.2018
Mir24.TV Belarus
Навiны Палесся
Полесская правда
Пинский Вестник
Варяг-пресс
Газета Авангард
Новости Ветки
Народны голас
Лоевский край
Петрыкаускiя навiны
Ивьевский край
Заря над Неманам
Свислочская газета
Светлы шлях
Новости Дзержинска
Нясвижскiя навiны
Прамень
Радзiма
Асiповiцкi край
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика