Лідарскія пазіцыі нарачанцаў. 21.by

Лідарскія пазіцыі нарачанцаў

Размер текста:
A
A
A


ЛАДЗЯЦЦА справы ў жывёлаводаў ТАА «Нарачанская Ніва 2004». У гэтыя дні сярэднясутачны надой малака ад каровы складае тут 18,6 кілаграма, што на 4,49 кілаграма больш, чым у лютаўскія дні мінулага года. Штодзень з гаспадаркі рэалізуюць дзяржаве больш за пяць тон малака, усё — вышэйшым гатункам. Таварыства займае адно з лідзіруючых месцаў у раённай зводцы па вытворчасці малака. Як удаецца так высока трымаць планку? Што з’яўляецца асновай выніковай працы жывёлаводаў? З гэтых пытанняў і пачалася размова з галоўным заатэхнікам таварыства Аленай Яўсейчык.
— Лічу, што нашы дасягненні — гэта вынік работы ўсяго дружнага, згуртаванага калектыву. У нас нікому не трэба нагадваць, маўляў, дапамажы калегу, падбяры корм, які зваліўся з кормараздатчыка. Людзі ўсё самі бачаць, і ў любую хвіліну кожны гатоў, як кажуць, падставіць сваё плячо, — адказвае Алена Яўгеньеўна. — Яно менавіта так. Мы робім агульную справу, ад якой залежыць дабрабыт кожнага. Таму выдзеліць кагосьці асобна за яго старанне і руплівасць практычна немагчыма…



З далейшай размовы даведаўся, што ў таварыстве ёсць больш за 815 галоў буйной рагатай жывёлы. Дойны статак, а гэта 340 кароў, знаходзіцца на ферме «Швакшты». Тут таксама ўтрымліваюцца 155 маленькіх цялятак, цялушкі на дарошчванні, а таксама маладняк для ўзнаўлення статка.
— Працуем дружна. Скажам, сартуем жывёлу. Не толькі даяркі займаюцца гэтай справай. Завіхаецца брыгадзір Аксана Чытовіч, лабарант, яна вядзе і племянны ўлік, Часлава Каратышэўская, вядучы ветурач і тэхнік-асемянатар Пётр Ермаковіч. Ніколі не застаюся ў баку ад гэтай справы і я. Пры неабходнасці дапамагаюць вартаўнікі, механізатары, — працягвае размову заатэхнік. — Калектыў наш невялікі — 18 чалавек.



Літаральна пра кожнага яна гаварыла цёпла, з душой. Адчуваецца, што Алена някепска ведае людзей, даражыць імі.
— Абібокаў і аматараў выпіць няма. Такія работнікі ў нас не затрымліваюцца. Магчыма, у якім-небудзь іншым калектыве да падобных работнікаў адносяцца інакш. Мы з парушальнікамі дысцыпліны развітваемся без усялякіх шкадаванняў, — дадае Алена Яўгеньеўна.
Усе рагулі падзелены на два гурты. Адзін (120-130 кароў) утрымліваецца ў цэху №1, дзе ўстаноўлены робаты. Гэтай сістэмай вельмі задаволены: лепшая якасць выдойвання, чысціня, змяншэнне захворванняў жывёлы — фактары, пагадзіцеся, пераканаўчыя. І людзі працуюць зусім у іншых умовах, патрэбна іх значна менш. Усё пагалоўе пазменна абслугоўваюць тры аператары. Як расказала заатэхнік, кожны з іх вызначаецца адказнасцю, дысцыплінаванасцю, акуратнасцю. Найбольшы стаж мае Лілія Вяршыла. Яна і раней была даяркай. А вось Віктар Дубовік у калектыве тры гады. Для Валерыя Целяка праца на ферме сямейная справа. Тут шчыравалі яго бацькі, а зараз і Валерый. Людзі рэгулярна маюць выхадны.
А вось цэх №2 працуе ў ранейшым рэжыме. На пасадах аператараў машыннага даення кароў там завіхаюцца Уладзіслаў Лукашэвіч, Ірына Вайцяховіч, Таццяна Дзямідава і Святлана Сячынская.
— Кожны з іх таксама заслугоўвае шчырых слоў падзякі за бездакорнае выкананне службовых абавязкаў, — гаворыць заатэхнік. — Як і слесар-наладчык Іван Шах. За плячыма гэтага чалавека не адно дзесяцігоддзе працы. Ён пільна сочыць за спраўнасцю і чысцінёй малочнага абсталявання.
Расказваючы пра калектыў жывёлаводаў, Алена Яўгеньеўна папрасіла абавязкова адзначыць цялятніц. Нованароджаных цялятак да 20-дзённага ўзросту даглядае Зоя Гірдзей. Яна працуе шмат гадоў. Раней была даяркай, а зараз завіхаецца цялятніцай. З вялікай адказнасцю жанчына адносіцца да даручанай справы, перажывае за кожнае цялятка. Цяпер шмат кароў целіцца, таму Зоі Іванаўне цяжкавата спраўляцца. Вось і далі ёй памочніка Фрола Сячынскага, які таксама працуе шчыра, добрасумленна.
— Паўгода ў нас маладая дзяўчына Анастасія Юркойць. Яна даглядае групу дарошчвання. Ды групу сказана ўмоўна. Больш за 150 гадаванцаў у Насці, — зазначае заатэхнік. — Тут шмат ручной працы.



Зазірнулі мы ў памяшканне, дзе гаспадарыць Насця. Убачыўшы незнаёмых людзей, цяляты насцярожыліся. А пачуўшы голас Анастасіі, яны жвавенька пабеглі да яе. Кожнае імкнулася лізнуць гаспадыню, каб тая пагладзіла, дастала з кішэні пачастунак.
— Няма патрэбы Насці нагадваць, маўляў, зрабі тое ці іншае. Сама ўсё бачыць. Неяк заходжу ў цялятнік, бачу ў вядры разведзеную вапну. «Што гэта?» — пытаюся. «Ды сцены крыху трэба падбяліць, запэцкаліся, непрыгожа», — чую ў адказ. Ну што тут можна казаць?! — гаворыць Алена Яўгеньеўна.
— А хто гэта яловыя галінкі прымацаваў у памяшканні да апорных слупоў? — пытаюся.
— Хто?! Насця. Такім чынам яна ўпрыгожыла памяшканне сваіх гадаванцаў, — усміхаецца заатэхнік.
Спецыяліст расказала пра начных вартаўнікоў-даглядчыкаў жывёлы Аляксандра Лявіцкага і Аляксандра Фадзеева. Яны не спяць, рэгулярна праходзяць па памяшканнях, падкідаюць корм у кармушкі, сочаць за жывёлай, ды і кацельню працепляць.
Зразумела, на ферме «Швакшты», як і на многіх іншых, не абыходзяцца без механізатараў. Таму заатэхнік папрасіла адзначыць з лепшага боку Рамана Брэдняка і Віктара Фіціна, якія заняты пагрузкай кармоў. На кормараздатчыку завіхаецца Аляксандр Нікалаеў, на адвозцы гною — Віталій
Сямашка.
— Хлопцы дружныя, дапамагаюць адзін аднаму. Скажам, зламаўся кормараздатчык, Аляксандр і яго сябры прыкладуць усе намаганні, але ўхіляць няспраўнасць. Не было такога выпадку, каб жывёла засталася ненакормленай. Дзякуй ім за старанне, — дапаўняе Алена Яўгеньеўна. — Ледзь не забылася. Хачу назваць яшчэ двух руплівых жывёлаводаў. Гэта Алег Паціенка і Аляксандр Садоўскі. Яны працуюць даглядчыкамі на ферме «Нарач». Вельмі старанныя хлопцы. А ўвогуле, амаль увесь калектыў таварыства працуе на жывёлагадоўлю.

Ігнат ЛУБНЕЎСКІ.
Фота Аляксандра Высоцкага.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
ЛАДЗЯЦЦА справы ў жывёлаводаў ТАА «Нарачанская Ніва 2004». У гэтыя дні сярэднясутачны надой малака ад каровы складае тут 18,6 кілаграма, што на 4,49 кілаграма больш,...
 
 
 


Архив (Разное)

21.by в социальных сетях

Свежие газеты

22.10.2018
Mir24.TV Belarus
Івацэвіцкі веснік
Навiны Палесся
Полесская правда
Пинский Вестник
Новости Докшицы
Днепровская правда (Дуюровно)
Патриот (Ушачи)
Клiч Радзiмы
Герой працы
Газета Авангард
Калiнкавiцкiя навiны
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Lida.Info
Заря над Неманам
Свислочская газета
Светлы шлях
Единство
Слуцк Город
Смалявiцкi край
Маяк Преднепровья
Радзiма
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
23.10.2018
Mir24.TV Belarus
Кобринский вестник
Навiны Палесся
Полесская правда
Пинский Вестник
Гарадоцкi веснiк
Новости Докшицы
Клiч Радзiмы
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Soligorsk News
Маяк Преднепровья
Горецкий вестник
Кировец
Голас Касцюкоушчыны
Новы дзень (Жлобин)
Перамога (Дятлово)
Святло кастрычнiка (Мстиславль)

© 2004-2018 21.by
Яндекс.Метрика