Вялікі поспех маленькай мастачкі. 21.by

Вялікі поспех маленькай мастачкі

27.02.2018 — Разное |  
Размер текста:
A
A
A

Источник материала:

Алёна НІКАНЧУК. Фота Крысціны СЕМЯНЮК.
Па выніках VI Міжнароднага конкурсу дзіцячага малюнка “Сябруюць дзеці на планеце” работа сямігадовай Ульяны Лазавік з Жабінкі адзначана дыпломам ІІ ступені.

Конкурс праводзіцца з 2006 года, яго мэта – развіццё міжнароднага супрацоўніцтва і ўзае-маразумення паміж дзецьмі і краінамі свету. Ён дае магчымасць адлюстраваць усю шырыню жыццёвых інтарэсаў хлопчыкаў і дзяўчынак, іх надзеі і мары на будучае.
Сёлета конкурс аб’яднаў больш за сем тысяч юных талентаў ад 4 да 16 гадоў з дваццаці дзвюх краін свету: Азербайджана, Амана, Арменіі, Беларусі, Балгарыі, Германіі, Грузіі, Ірана, Казахстана, Кыргызстана, Латвіі, Малдовы, Польшчы, Расіі, Сербіі, Сірыі, Таджыкістана, Туркменістана, Узбекістана, Украіны, Чэхіі і Эквадора. Яго ўдзельнікам была прапанавана наступная тэма: “Аб чым мараць дзеці?”. Малюнкі ў поўнай меры змаглі расказаць пра юных мастакоў з розных куточкаў свету, іх жыццё, захапленні і… мары.
Кожны раз конкурс завяршаецца выставай лепшых работ. Сёлета яе ўрачыстае адкрыццё адбылося 15 лютага ў Нацыянальным цэнтры мастацкай творчасці дзяцей і моладзі Міністэрства адукацыі Рэспублікі Беларусь у Мінску. Яе маштабы –
больш за 300 графічных і жывапісных работ. Адкрыў выставу начальнік Галоўнага ўпраўлення выхаваўчай работы і моладзевай палітыкі Міністэрства адукацыі Беларусі Эдуард Тамільчык. Віталі ўдзельнікаў конкурсу дырэктар Нацыянальнага цэнтра Надзея Васільчанка, дацэнт Беларускай дзяржаўнай акадэміі мастацтваў, старшыня журы конкурсу Іван Кліменка, кіраўнік культурных праектаў прадстаўніцтва Рассупрацоўніцтва ў Рэс-публіцы Беларусь – Расійскага цэнтра навукі і культуры ў Мінску, член журы Ала Кейге. У цырымоніі адкрыцця выставы прынялі ўдзел таксама і ганаровыя госці: паслы Сербіі, Туркменістана і Сірыі ў Беларусі, першыя сакратары Пасольстваў Азербайджана, Малдовы і Украіны, трэці сакратар Пасольства Расіі і часовы павераны ў справах Пасольства Эквадора ў Рэспубліцы Беларусь.
Госці падзякавалі ўдзельнікам конкурсу за цудоўныя работы, якія падарылі ўсім добры настрой, зарадзілі юных мастакоў новымі ідэямі, пашырылі ўяўленне пра жыццё хлопчыкаў і дзяўчынак з розных краін. Журы заўважыла, што малюнкі адрозніваюцца арыгінальным бачаннем свету, непасрэднасцю выражэння пачуццяў, творчай індывідуальнасцю. Такімі якасцямі вызначаўся і малюнак Ульяны Лазавік, які меў назву “А як вырасту –
стану мадэльерам!”. У ім дзяўчынка паспрабавала расказаць пра сваю дзіцячую мару наконт будучай прафесіі з дапамогай пэндзля і фарбаў, і ў яе гэта выдатна атрымалася. У намінацыі “Жывапіс” ва ўзроставай групе 7-9 гадоў яе работа была адзначана дыпломам ІІ ступені Міністэрства адукацыі Рэспублікі Беларусь.
Ульяна – другакласніца, вучыцца ў сярэдняй школе № 2 і другі год наведвае аб’яднанне па інтарэсах “Выяўленчае мастацтва” пры раённым цэнтры творчасці дзяцей і моладзі. Увасобіць мару на паперы дапамагла дзяўчынцы яе педагог Іна Рудкоўская. Высокую ўзнагароду ў сталіцы Ульяна атрымлівала разам з Інай Уладзіміраўнай і мамай Вольгай Яраславаўнай, якія былі побач і падтрымлівалі.
Хочацца пажадаць маленькай таленавітай мастачцы здзяйснення яе мары, каб у будучым яна стала на самой справе вядомым мадэльерам, а яе педагогу – невычэрпных сіл і натхнення ў развіцці творчых здольнасцяў выхаванцаў.
У чарговы раз конкурс паказаў, што мастацтва дае магчымасць дзецям раскрыць іх унутраны свет і расказаць пра самыя патаемныя жаданні. Дзякуючы яму хлопчыкі і дзяўчынкі бачаць свет па-іншаму, заўважаюць яго прыгажосць і гарманічна развіваюцца.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Алёна НІКАНЧУК. Фота Крысціны СЕМЯНЮК. Па выніках VI Міжнароднага конкурсу дзіцячага малюнка “Сябруюць дзеці на планеце” работа сямігадовай Ульяны Лазавік з...
 
 
 

РЕКЛАМА

Архив (Разное)

РЕКЛАМА


Яндекс.Метрика