Па дарозе ў аэрапорт "Мінск" адбылася лабавая аварыя

Сур'ёзная аварыя адбылася ў Смалявіцкім раёне Міншчыны, пры якой пацярпелі два чалавекі, перадае тэлеканал СТВ.

Здарэнне адбылося на 26-м кіламетры аўтадарогі Мінск — Нацыянальны аэрапорт. Аўтамабіль, за рулём якога была 40-гадовая мінчанка, на вялікай хуткасці ўрэзаўся ў сустрэчную машыну. Інспектары ДАІ мяркуюць, што кіроўца абрала няправільную хуткасць і машыну занесла на закругленні дарогі. 

На шчасце, кіроўцы былі прышпіленыя рамянямі бяспекі. Цяпер іх шпіталізавалі.