На вадасховішчы Драгічына пад лёд праваліўся рыбак

У Драгічыне на вадасховішчы пад лёд праваліўся рыбак, перадае БЕЛТА са спасылкай на Брэсцкі абласны ОСВОД.

Здарэнне адбылося 25 сакавіка. 39-гадовы жыхар Драгічына праігнараваў забарону выхаду на лёд і пайшоў на зімовую рыбалку. Але ў выніку ў вадзе апынуўся сам рыбак. 

Рыбака, які пачаў тануць, заўважыў відавочца, што знаходзіўся непадалёк. Ён жа і дапамог бедаку. Пацярпелага шпіталізавалі з дыягназам "пераахаладжэнне". Дарэчы, рыбак быў п'яны — 2,6 праміле.

Ад пачатку года на вадаёмах Брэсцкай вобласці загінулі чатыры чалавекі, выратаваныя пяцёра.