18 мая Веткаўскі музей стараабрадніцтва і беларускіх традыцый імя Ф.Р.Шклярава запрашае ўсіх на Дзень і Ноч музеяў. 21.by

18 мая Веткаўскі музей стараабрадніцтва і беларускіх традыцый імя Ф.Р.Шклярава запрашае ўсіх на Дзень і Ноч музеяў

Размер текста:
A
A
A

18 мая Веткаўскі музей стараабрадніцтва і беларускіх традыцый імя Ф.Р.Шклярава запрашае ўсіх на Дзень і Ноч музеяў

Калі апошні раз вы наведвалі музей? Наколькі вы добра ведаеце, што выстаўлена ў музеі вашага горада? Ці ўсе закуточкі вы там абгледзелі? Ці дазвалялі вам у музеі кранаць нешта рукамі? А як наконт танцаў у музеі? Калі хоць над адным з пытанняў вы задумаліся, то Веткаўскі музей рады запрасіць вас, каб разам адсвяткаваць Міжнародны дзень музеяў,  а можа, нават і цэлую ноч.

Міжнародны дзень музеяў з’явіўся на календары ў 1977 годзе, калі на чарговым паседжанні ICOM (International Council of Museums — Міжнародны савет музеяў) была прынята прапанова аб зацверджанні гэтага свята. З 1978 года гэты дзень адзначаецца болей чым у 150 краінах свету. Музей з’яўляецца неад’емнай часткай нашага з вамі жыцця, кагосьці сюды прыводзяць яшчэ ў школьныя гады, а хтосьці ўжо ў свядомым узросце прыходзіць сам і далучае да гэтай традыцыі сваіх дзяцей і ўнукаў. Паводле слоў Жака Перо, прэзідэнта ICOM, “музеі павінны заняць сваё месца ў сэрцы грамадства і быць адкрытымі грамадскасці. Развіццё нашых устаноў залежыць у большай ступені ад дапамогі грамадскасці, і мы павінны прапанаваць ёй магчымасць падтрымаць нашы мэты і прыняць удзел у нашай працы. Такім чынам, неабходна, каб музеі і грамадства працавалі разам, у атмасферы творчасці і навацый”.

Прынята лічыць, што праз музеі грамадства выяўляе свае адносіны да гісторыка-культурнай спадчыны, і з гэтым цяжка не згадзіцца. Збіраючы і захоўваючы помнікі матэрыяльнай і духоўнай культуры, музеі вядуць вялікую навукова-асветніцкую і адукацыйна-выхаваўчую працу.

18 мая (пятніца) з 9.00 да 18.00 Веткаўскі музей адчыняе свае дзверы для нашага з вамі агульнага святкавання Дня музеяў. У гэты дзень вас чакаюць:

11.30 —  майстар-клас па пляценні традыцыйных паясоў (гістарычны будынак купца Грошыкава па адрасе: Чырвоная плошча, 5);

13.00 — урачыстае адкрыццё дзіцячага інтэрактыўнага праекта “Спазнай гісторыю рукамі” (адміністрацыйны будынак музея па адрасе: Чырвоная плошча, 13, першы паверх);

15.00, 16.00 — квэст-гульня “Шляхамі Шклярава” (гістарычны будынак купца Грошыкава па адрасе: Чырвоная плошча, 5);

18.00 — беларускія народныя танцы ля драўляных варот музея.

Усе мерапрыемствы і экспазіцыі музея ў гэты дзень можна будзе наведаць бясплатна!

Саму ж “Ноч музеяў”, якая ў гэтым годзе праходзіць пад лозунгам “Спазнай традыцыю праз таямніцы танцаў”, Веткаўскі музей прапануе правесці ў сваім філіяле, што знаходзіцца ў Гомелі.

На канцэртнай пляцоўцы выступяць танцоры лепшых школ танца абласнога цэнтра: традыцыйныя беларускія танцы, габрэйскія, ірландскія народныя, усходні танец жывата, іспанскае фламенка і аргентынскае танга. Падтрымаюць жа рытмы танцу самыя этнічныя музыкі наваколля, сталіц і заграніц!

Вакол будынка філіяла Веткаўскага музея збяруцца ўнікальныя майстры-рамеснікі, каб падзяліцца частачкай свайго майстэрства на майстар-класах. Кавальства, саломапляценне, традыцыйныя абрадавыя лялькі, ткацтва і шмат іншых цікавасцяў чакае вас на інтэрактыўных пляцоўках.

Не застануцца без увагі і самыя маленькія ўдзельнікі начной акцыі музея. Менавіта для іх будзе арганізавана дзіцячая пляцоўка з размалёўкамі, пазламі, традыцыйнымі гульнямі і забавамі.

Выставачныя залы музея «Жывапіс і графіка», «Стараабрадніцкі іканапіс», «Традыцыйныя строі», «Старажытныя кросны» і музычныя інструменты «загавораць» з наведвальнікамі голасам традыцыі.

Цікавай і карыснай будзе акцыя “Новае жыццё ў абмен на крышачкі”. Таму абавязкова бярэм з сабой на святкаванне звычайныя пластыкавыя крышачкі, яны дакладна нам спатэбяцца.

Як днём 18 мая, так і ноччу 19 мая экспазіцыі Веткаўскага музея, філіяла ў Гомелі і святочныя імпрэзы можна будзе наведаць бясплатна!

Пятро ЦАЛКА, загадчык філіяла ДУК “Веткаўскі музей стараабрадніцтва і беларускіх традыцый імя Ф.Р. Шклярава” ў Гомелі.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Калі апошні раз вы наведвалі музей? Наколькі вы добра ведаеце, што выстаўлена ў музеі вашага горада? Ці ўсе закуточкі вы там абгледзелі? Ці дазвалялі вам у музеі...
 
 
 


Архив (Разное)

21.by в социальных сетях

Свежие газеты

23.05.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Варяг-пресс
Двинская правда (Верхнедвинск)
Новости Докшицы
Міёрскія навіны
Новости Полоцка
Поставский край
Голас Сененшчыны
Патриот (Ушачи)
Клiч Радзiмы
Газета Авангард
Новости Ветки
Народны голас
Лоевский край
Чырвоны Кастрычнiк
Петрыкаускiя навiны
Хойницкiя навiны
Чачэрскi веснiк
Новости Волковыска
Вороновская газета
Газета Праца
Ивьевский край
Полымя
Лидская газета
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Инфа-Курьер
Слуцк Город
Смалявiцкi край
Soligorsk News
Прамень
Раёны весник
Маяк Преднепровья
Радзiма
Горецкий вестник
Савецкая вёска
Кировец
Кричевская жизнь
Асiповiцкi край
Новости Хотимска
Новы дзень (Жлобин)
Перамога (Дятлово)
24.05.2018
Mir24.TV Belarus
Варяг-пресс
Гарадоцкi веснiк
Газета Праца
Новы дзень (Жлобин)

© 2004-2018 21.by
Яндекс.Метрика