Конкурс піянерскіх брыгад на Чэрвеньшчыне. 21.by

Конкурс піянерскіх брыгад на Чэрвеньшчыне

22.05.2018 — Разное |  
Размер текста:
A
A
A

Источник материала:

У сярэдняй школе №4 г. Чэрвеня адбыўся занальны тур абласнога этапу VI рэспубліканскага агляду-конкурсу піянерскіх агітбрыгад «Запалі вогнішча дабра!». У ім прымалі ўдзел 25 агітбрыгад з г. Жодзіна, Бярэзінскага, Барысаўскага, Крупскага, Смалявіцкага, Чэрвеньскага, Вілейскага, Валожынскага, Лагойскага, Мінскага, Маладзечанскага і Мядзельскага раёнаў.


Мерапрыемства было прымеркавана да 95-годдзя піянерскага руху і 100-годдзя камсамольскага руху. Ацэньвала выступленне агітбрыгад журы ў складзе Святланы Адамовіч, прарэктара па сацыяльнай і выхаваўчай рабоце Мінскага абласнога інстытута развіцця адукацыі; Святланы Ерашэнка, старшыні Мінскага абласнога Савета грамадскага аб’яднання «БРПА»; Кацярыны Нікіфаравай, старшыні Вілейскага раённага Савета ГА «БРПА».
Конкурс стаў сапраўдным святам для піянераў. Выступленні агітбрыгад у намінацыях «Азбука беларускага арнаменту», «4G: БРПА – БРСМ — новы фармат узаемадзеяння» і «Паглядзі на нас па-новаму» пераносілі ў гістарычнае мінулае піянерыі, з імклівай хуткасцю вярталі да спраў піянераў новага пакалення, распавядалі аб ідэалах і каштоўнасцях сучаснай арганізацыі. У сваіх выступленнях дзеці даказвалі, што цяперашнія піянеры гатовы да спраў на карысць Радзіме і людзям, да дабра і справядлівасці.
Музычным падарункам для ўдзельнікаў і гасцей конкурсу стала выступленне навучэнкі чэрвеньскай сярэдняй школы №4 Дар’і Баторшынай і педагога дадатковай адукацыі Цэнтра творчасці дзяцей і моладзі Чэрвеня Лізаветы Васінцавай. Педагог дадатковай адукацыі Дар’я Пуцейка запрашала ўсіх жадаючых прыняць актыўны ўдзел у акцыі «Марафон дабра» і захаваць пазітыўныя моманты сустрэчы на фотазоне, прысвечанай Году малой радзімы.
Па выніках занальнага тура агляду-конкурсу піянерскіх агітбрыгад «Запалі вогнішча дабра!» пераможцамі сталі: у намінацыі «Азбука беларускага арнаменту» – піянерскія агітбрыгады з г. Жодзіна, Вілейскага, Мінскага, Маладзечанскага і Валожынскага раёнаў; у намінацыі «4G: новы фармат узаемадзеяння» — піянерскія агітбрыгады з Крупскага і Маладзечанскага раёнаў; у намінацыі «Паглядзі на нас па-новаму» — піянерская агітбрыгада з Вілейскага раёна.
Свята атрымалася! Удзельнікі ў чарговы раз пацвердзілі вернасць гістарычным традыцыям, паказалі пераемнасць пакаленняў, адлюстравалі воблік сучаснай піянерскай арганізацыі.

Анастасія Лойка, старшыня Чэрвеньскага раённага Савета ГА «БРПА».
Фота аўтара

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У сярэдняй школе №4 г. Чэрвеня адбыўся занальны тур абласнога этапу VI рэспубліканскага агляду-конкурсу піянерскіх агітбрыгад «Запалі вогнішча дабра!». У ім...
 
 
 

РЕКЛАМА

Архив (Разное)

РЕКЛАМА


Яндекс.Метрика