На Навагрудчыне прайшлі IV Шчорсаўскія чытанні

Источник материала:

«Прыватныя кніжныя зборы. Мінулае і сучаснасць» – пад такой назвай 25 мая ў аграгарадку Шчорсы, былых уладаннях асветніка і гуманіста Яўхіма Храптовіча прайшлі IV Шчорсаўскія чытанні.

Чытанні сталі знакавымі для Навагрудчыны, яны адзначаны гістарычнымі, культурнымі, нацыянальнымі прыярытэтамі. Тэме кнігі і бібліятэкі было прысвечана ўсё мерапрыемства.

На пачатку госці наведалі сядзібу «Шчорсы», затым паглядзелі спектакль «Прыгоды Навагрудскай лекаркі Саламеі Русецкай».

З прывітальным словам гасцей IV Шчорсаўскіх чытанняў звярнуліся начальнік аддзела ідэалагічнай работы, культуры і па справах моладзі Навагрудскага райвыкканкама Марына Шабановіч і старшыня Шчорсаўскага сельскага выканаўчага камітэта Алег Марушка.

Паняцці кніжная культура і бібліятэчная вартасць гучалі з дакладаў навукоўцаў і бібліятэкараў. Удзельнікі мерапрыемства, а імі сталі кандыдат гістарычных навук, дацэнт кафедры гісторыі Беларусі, археалогіі і спецыяльных гістарычных дысцыплін Гродзенскага дзяржаўнага ўніверсітэта імя Я. Купалы Сяргей Амелька, кандыдат філалагічных навук, прафесар Аляксей Пяткевіч, а таксама супрацоўнікі Гродзенскай абласной навуковай бібліятэкі імя Я.Ф. Карскага, Цэнтральнай навуковай бібліятэкі імя Я. Коласа Нацыянальнай акадэміі навук Беларусі, супрацоўнікі ўстаноў культуры і адукацыі Навагрудчыны, абмеркавалі пытанні гісторыі і сучаснага стану прыватных кніжных калекцый на Гродзеншчыне, асаблівасці захавання кніжнай культуры праз развіццё ўласных кнігазбораў.

У фае Шчорсаўскага сельскага дома культуры ўвагу публікі прыцягвалі шматлікія выстаўкі прыватных калекцый жыхароў Навагрудскага раёна. Тут былі выстаўлены кнігі, лялькі, паштоўкі, канверты, карты, значкі і шмат іншага.

Вольга Пісар, «НЖ»

Фота аўтара

Стоит почитать:

Новогрудчане вернулись с победами с областного фестиваля эстрадного творчества «Масты надзей»

К Международному дню музеев в Новогрудке подготовили ряд мероприятий