Крысціна Шафранская: “Я пайшла туды, куды трэба”. 21.by

Крысціна Шафранская: “Я пайшла туды, куды трэба”

14.06.2018 — Разное | Герой працы  
Размер текста:
A
A
A

Крысціна Шафранская: “Я пайшла туды, куды трэба”Крысціна Шафранская: “Я пайшла туды, куды трэба”

Крысціне Шафранскай адразу ўдалося не памыліцца на прафесійных ростанях і з мноства дарог выбраць сваю. “Я пайшла туды, куды трэба”, – кажа яна.
Пасля Віцебскага медыцынскага каледжа прыйшла на працу ў паліклініку Шумілінскай ЦРБ, два гады працавала ў даўрачэбным кабінеце, а потым ёй даверылі Язвінскі ФАП. Тут яна – паўнапраўная гаспадыня.
– Спраўляецеся?
– А куды дзявацца? Раз узялася. Хаця, па-праўдзе, спачатку былі сумненні: ці змагу ўсё ахапіць? У сферы ж абслугоўвання ФАПа 330 чалавек (а з дачнікамі – 412), 59 дзяцей да 18 год, у тым ліку да года – чацвёра. Плюс праблемныя сем’і, пра якіх ідзе размова ў вядомым Указе №18, і якія пастаянна знаходзяцца ў полі зроку медыкаў.
Я ўжо другі год на ФАПе і навучылася размяркоўваць свой час. Да абеду вяду прыём, працую і за тэрапеўта, і за акушэра, і за працэдурную сястру, і за аптэкара. Пасля абеду іду на ўчастак: патранаж, выклікі, прафагляды. Дзякуй богу, радыус абслугоўвання 5 кіламетраў, а не як у Каўляках. Я нават паспяваю Дні здароўя праводзіць. Рыхтую гутаркі, напрыклад, пра тое, як кінуць курыць, і іду да людзей – у майстэрню, магазін, кафэ, на чыгуначную станцыю.
– І слухаюць вас?
– А што ім застаецца, – смяецца Крысціна, – прыйдуць жа да мяне на ФАП.
– А не боязна было?
– Боязна. Але потым я сабе сказала: “Гэта трэба па рабоце”. І пайшла.
– На што скардзяцца вясковыя пацыенты? Ці ёсць час летам ісці да доктара?
– Калі прыцісне хвароба, дык куды дзенешся? Зараз многія скардзяцца на павышаны ціск, на алергію. Хаця летам да медыкаў звяртаюцца менш, відаць, работа на зямлі адцягвае немачы.
– Многія зараз да доктара не ідуць, інтэрнет цяпер дапаможа і дыягназ паставіць, і лячэнне выбраць.
– Самалячэнне – сапраўдны біч. Многія начытаюцца і прыходзяць мяне вучыць. А я не спрачаюся, толькі кажу, што мяне вучылі прафесіяналы-практыкі. І, як правіла, людзі потым прыходзяць, пагаджаюцца, што не ўсё, што ў інтэрнеце – праўда, і што сапраўды ім трэба пры лячэнні ўлічваць асаблівасці і медыцынскую карту свайго арганізма.
– Сельскі ФАП – гэта чарговая прыступка на вашай прафесійнай лесвіцы?
– Не магу сказаць, як яно будзе. Пакуль што нікуды не збіраюся, я тут ужо ўсіх ведаю, мяне таксама, ды і кантракт у мяне да канца 19-га года. Зноў жа кіраўніцтва райбальніцы мне пакой у адным з райцэнтраўскіх інтэрнатаў выдзеліла, дык чаму ж тут не працаваць?
– Як будзеце сустракаць Дзень медыцынскага работніка?
– Якраз буду суткі дзяжурыць на “хуткай дапамозе”. Не здзіўляйцеся, я там падзарабляю. Два-тры разы на месяц, больш не атрымліваецца, я ж на ФАПе на шасцідзёнцы. Ды і адпачыць калі-нікалі трэба.
– Як адпачываеце?
– Зімой люблю лыжы, канькі, а летам – возера.
– А цёплы марскі бераг?
– Ды была я там. Нашы Браслаўскія азёры не горшыя. Мінулым летам паехалі з сябрамі – прыгажосць, камфорт, рыбалка. І нядорага…
Крысціна Шафранская падкуплівае сваёй адкрытасцю, уменнем працаваць з людзьмі, жаданнем сустракаць кожны дзень з усмешкай. Усё гэта, безумоўна, мацуе аўтарытэт маладога медыцынскага работніка.
Аліна ПЯТРОВА.
Надрукавана ў №46 ад 15.06.2018 г.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Крысціна Шафранская: “Я пайшла туды, куды трэба” Крысціне Шафранскай адразу ўдалося не памыліцца на прафесійных ростанях і з мноства дарог выбраць сваю. “Я...
 
 
 


Архив (Разное)

21.by в социальных сетях

Свежие газеты

17.01.2019
Mir24.TV Belarus
Івацэвіцкі веснік
Полесская правда
Пинский Вестник
Гарадоцкi веснiк
Днепровская правда (Дуюровно)
Лепельский край
Міёрскія навіны
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Lida.Info
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Горецкий вестник
Савецкая вёска
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)
18.01.2019
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Лепельский край
Міёрскія навіны
Голас Сененшчыны
Патриот (Ушачи)
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Кричевская жизнь
Новости Хотимска
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика