Навіны Мядзельшчыны

Источник материала:

У МЯДЗЕЛЕ адбылася акцыя “Падаруй нованароджанаму вышыванку”. Гэта маладзёжная ініцыятыва, сімвалам якой стала дзіцячая распашонка з нацыянальным арнаментам. Першы сакратар райкама БРСМ Марына Апанасёнак наведала радзільнае аддзяленне цэнтральнай раённай бальніцы, дзе падаравала вышыванкі чатыром нованароджаным грамадзянам.

***

НА базе Мінскага райаддзела па надзвычайных сітуацыях, што ў Заслаўі, дадзены старт абласному этапу рэспубліканскага праекта “Адкрыты дыялог” на тэму “Выратавальныя службы: подзвіг ці прызванне?”. У мерапрыемстве прыняў удзел і нават выступіў у ролі вядучага мядзяльчанін Сяргей Багданаў.

***

НОВЫ аб’ект “Я люблю “Прыазёрны” з’явіўся на тэрыторыі названага санаторыя. Ля яго можна зрабіць добры здымак на памяць. Фатаграфавацца лепш вечарам, калі ўключаецца падсветка.