Сколько стоит собрать ребёнка в школу в Докшицком районе. 21.by

Сколько стоит собрать ребёнка в школу в Докшицком районе

Размер текста:
A
A
A

Сколько стоит собрать ребёнка в школу в Докшицком районе
У жніўні адна з самых галоўных тэм для бацькоў – сабраць дзіця да школы. Тыя сем’і, якія выхоўваюць некалькіх дзяцей і ўжо праходзілі такі “фінансавы квэст”, у большасці сваёй выпрацавалі план дзеянняў. Адны з іх закуп­ляюць неабходныя для школы рэчы на працягу ўсяго года, другія чакаюць зніжкі, якія звычайна прапаноўваюць крамы бліжэй да 1 верасня. “Што? Дзе? Па якой цане?” – адказы на гэтыя пытанні карэспандэнт “РВ” шукаў падчас маніторынгу “школьных базараў” райцэнтра.

Спажывецкая кааперацыя
Падлічыць агульную суму, якая пойдзе на набыццё адзення і канцылярыі, – задача не з лёгкіх: кошт рэчаў розны, фінансавыя магчымасці бацькоў – таксама. У крамах райста “Эрудыт” і “Дзіцячы свет” прадаўцы звычайна і самі падсумоўваюць, колькі будзе каштаваць сабраць дзіця ў школу. Высвятляю, што сёлетнія цэны не надта адрозніваюцца ад мінулагодніх. Сярэдні чэк сем’яў, якія ўжо набывалі патрэбнае для аднаго дзіцяці, наступны: канцылярскія тавары ў межах 50 – 70 рублёў, адзенне і абутак – 350 – 400 рублёў. Сумы, мякка кажучы, немаленькія. Ведаючы пра гэта, многія прадбачлівыя бацькі чакаюць дні зніжак. Дарэчы, калі ўлічыць апошнія, то менавіта ў “Эрудыце” можна набыць самыя танныя звычайныя сшыткі (каля 15 капеек). А вось рукзакі там каштуюць ад 50 рублёў.
У “Дзіцячым свеце” “кусаюцца” цэны на абутак і касцюмы. Напрыклад, камплект з камізэлькі і штаноў на першакласніка будзе каштаваць каля 50 рублёў, штаны з пінжаком абыдуцца ў 74,25 рубля. На падлетка такі касцюм увогуле каштуе 136 рублёў. Адзін пінжак для вучня-дашкольніка – 56 рублёў. Амаль столькі ж – школьны сарафан, якіх у краме выбар вялікі. Але ж на вешалках можна адшукаць і невялікую колькасць адзення па досыць прымальным кошце. Напрыклад, сімпатычны трыкатажны сарафанчык усяго за 12 рублёў. Дарэчы, падчас маніторынгу крама зусім не пуставала: пакупнікі ішлі і ішлі. На пытанне, чаму для набыцця патрэбных тавараў выбралі менавіта гэта месца, яны адказвалі, што аддаюць перавагу якасці адзення беларускіх вытворцаў, тым больш, што гэта вельмі важна для здароўя і камфорту дзіцяці.
Патрэбныя для вучняў рэчы можна набыць і на спецыяльным “Школьным кірмашы”, які працуе ў палатцы ля ўнівермага. Куткі школьніка прадугледжаны ў многіх крамах раёна.
Прыватны гандаль
У краме “Адзенне для дзяцей”, што на гандлёвай плошчы ў цэнтры горада, прыцягнулі ўвагу модныя кашулі з налакотнікамі коштам ад 23 рублёў. Амаль па такой жа цане блузкі разнастайных мадэляў. Камплект з камізэлькі і спадніцы каштуе 75 рублёў. Танней за яго можна набыць сарафан (ад 42 рублёў). Штаны на дзяўчынку – ад 28 рублёў, спаднічкі – ад 29 рублёў, спартыўныя касцюмы – ад 30 рублёў. У канчатковым выніку атрымалася 152 рублі.
Шырокі асартымент канцылярскіх тавараў прадстаўлены ў крамах “Лека”, “Пінокіа”, “Грант”. У “Пінокіа” (у будынку гасцініцы) вялікі выбар рукзакоў коштам ад 16 рублёў. У “Гранце”, што каля “Белаграпрамбанка”, дзейнічае 10-працэнтная зніжка на школьныя прыналежнасці. Звычайныя сшыткі там, як і ў “Лека”, каштуюць 18 капеек, просты аловак – 20 капеек, шарыкавая ручка – 25 капеек, акварэльныя фарбы (12 колераў) – 2,50 рубля, гуаш – 5,20 рубля, пластылін – 2,65 рубля, фламастары – 1,70 рубля.
Сапраўдным школьным кірмашом можна назваць жнівеньскі пятнічны базар у райцэнтры. Што ні палатка – канцылярыя або адзенне для вучняў. Напэўна, з-за спякоты ажыятажнага попыту ў іх не назіралася. Але вопытныя прадаўцы гэтым фактам не засмучаны: сапраўдны “бум” яны чакаюць бліжэй да пачатку навучальнага года. Набыць рукзак на базары можна коштам ад 15 рублёў. Вялікі выбар школьных сукенак з карункамі: чорныя, сінія і карычневыя коштам ад 25 рублёў. Ёсць нават белыя фартухі, якія звычайна карыстаюцца вялікім попытам у выпускніц. Менавіта на базары мы адшукалі самыя танныя касцюмы для хлопчыкаў (ад 40 рублёў). Каля 20 рублёў каштуюць штаны і кашулі для джэнтльменаў, амаль столькі ж спадніцы і блузкі для дзяўчат. Тут жа можна зэканоміць і на спартыўным касцюме, кошт якога ад 25 рублёў. Праўда, па заверах прадаўцоў, “натуральная” тканіна хрумсціць навобмацак і блішчыць на сонцы. Таннейшы, чым у крамах, і кошт абутку, але і да яго якасці ўзнікаюць пытанні.
Атрымліваецца, што, каб зэканоміць, трэба ўсё ж такі пабегаць па гандлёвых кропках. І аднаго дня для гэтай справы недастаткова. Як паказвае практыка, рыхтавацца да школы лепш загадзя: і выбар памераў большы, і спакусы набыць штосьці лішняе ў ажыятажы не будзе.
Тэкст і фота Яўгеніі МАЛЕВІЧ.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У жніўні адна з самых галоўных тэм для бацькоў – сабраць дзіця да школы. Тыя сем’і, якія выхоўваюць некалькіх дзяцей
 
 
 


Архив (Разное)

21.by в социальных сетях

Свежие газеты

18.10.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Гарадоцкi веснiк
Новости Докшицы
Днепровская правда (Дуюровно)
Лепельский край
Міёрскія навіны
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Заря над Неманам
Свислочская газета
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Новости Хотимска
Новы дзень (Жлобин)
Перамога (Дятлово)
Святло кастрычнiка (Мстиславль)
19.10.2018
Mir24.TV Belarus
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Новости Докшицы
Днепровская правда (Дуюровно)
Міёрскія навіны
Герой працы
Газета Авангард
Лоевский край
Чырвоны Кастрычнiк
Петрыкаускiя навiны
Хойницкiя навiны
Новости Волковыска
Вороновская газета
Ивьевский край
Полымя
Заря над Неманам
Свислочская газета
Светлы шлях
Единство
Нясвижскiя навiны
Слуцк Город
Смалявiцкi край
Маяк Преднепровья
Радзiма
Горецкий вестник
Савецкая вёска
Кировец
Голас Касцюкоушчыны
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика