У пятніцу па паўднёвым захадзе Беларусі будзе да +32

10 жніўня ў Беларусі будзе пераменная воблачнасць, пераважна без ападкаў, паведамляе Белгідрамет. 

Вецер прагназуецца паўднёва-ўсходні, паўднёвы ўмераны, днём па захадзе краіны — парывісты. 

Уначы і зранку слупок тэрмометра пакажа ад 11 градусаў цяпла па ўсходзе да 19 — па захадзе краіны. Удзень ён падымецца да 25-30 вышэй за нуль, па паўднёвым захадзе — да +32 градусаў.

На 11 жніўня сіноптыкі прагназуюць кароткачасовыя дажджы. Удзень будзе 25-31 са знакам "плюс".