Тыдзень культуры “Суквецце талентаў воранаўскага краю” завяршыўся 19 жніўня ў Радуні VII адкрытым раённым фэстывалем “Песні Воранаўшчыны маёй” (Фота)

Источник материала:

Раніцой у гонар жыхароў гарадскога пасёлка  адбылася ўрачыстая імша ў касцёле Маці Божай Ружанцовай і ў царкве святой прарадобнай Еўфрасінні Полацкай. Маліліся за здароўе працавітых і таленавітых людзей, што жывуць ў згодзе на нашай прыгожай роднай зямлі, маліліся за мір і працвітанне роднай Беларусі.

А потым жыхары і госці Радуні сабраліся на ўтульнай і расквечанай плошчы, дзе іх сардэчна вітаў і пажадаў шчасця, дабрыні, дабрабыту ў кожнай сям’і старшыня раённага выканачаўга камітэта Мікалай Розум.

Гонар адкрыць фэст выпаў ансамблю песні і танца “Эйшышчане” цэнтра культуры Шальчынінкскага раённага самакіравання Літоўскай Рэспублікі. Польскія, літоўскія песні ў выкананіі эйшышчан прыйшліся па сэрцы кожнаму з гледачоў, а танец “абэрак” асабліва спадабаўся прадстаўнікам старэйшага ўзросту і нагадаў ім маладосць.

— Такія святы, як сённяў Радуні, яднаюць народы, яны вельмі патрэбныя людзям. Хай жа ў вас і ў нас усё будзе добра, — падзялілася ўражанннямі старшыня Шальчынінкскага беларускага цэнтра “Раніца”.

Шмат радасці падарылі радунцам і калектывы народнай творчасці нашага раёна. “Зараніца”, “Лявоны”, Рэчанька”, “Радунскія хлопцы”… што ні гурт, то свае адметныя фарбы ў касцюмах і свой музычны каларыт.

Калі ж на святочнай сцэне пачалі выступаць юныя артысты, то твары гледачоў яшчэ больш пацяплелі і папрыгажэлі, апладысментам і воклічам “брава”, здавалася, не будзе і канца. 

Канцэрт аматараў песні з Іўеўскаг раёна, а таксама воранаўскіх выканаўцаў эстраднай песні “Рэтра-80-х”таксама надоўга запомніца радунцам сваёй самабытнасцю і прафесіяналізмам.

Завяршыў песенны фэст-марафон, а доўжыся ён больш за восем гадзін, народны ансамбль народнай песні і танца “Гуляй, душа!” з Мінска.  І светлы настрой панаваў у радунцаў як пад час выступлення сталічных артыстаў, так і на святочнай дыскатэцы.

Песні і музыка гучалі не толькі са святочнай сцэны, але і на польскім,беларускім, літоўскім, рускім і цыганскім нацыянальных падворках, якія арганізавалі і прадставілі работнікі культуры.

На працягу ўсяго гэтага яркага свята працалі гандаль, дзіцячыя атракцыёны, багаты выбар розных рэчаў быў і ў горадзе майстроў.

Вікенцій ЯКОВіЧ.

Фота Вольгі Мялько.