Прыём грамадзян. Пытанні ўзяты пад кантроль

У панядзелак у райвыканкаме адбыўся прыём грамадзян, які правёў член Савета Рэспублікі Нацыянальнага сходу Рэспублікі Беларусь Мікалай Радаман.

Як адзначыў сам Мікалай Вячаслававіч, да яго звярнуліся тры чалавекі, усе — жыхары Нясвіжа. Ён станоўча ацаніў той факт, што іх пытанні тычыліся выключна сямейна-бытавой сферы і не сведчылі аб парушэннях у рабоце жыццёва важных раённых служб. Паколькі звароты насілі юрыдычны характар, М.В. Радаман растлумачыў наведвальнікам неабходнасць звароту ў суд або ў пракуратуру па кваліфікаваную юрыдычную дапамогу, узяўшы пад кантроль вырашэнне іх пытанняў.

“НН”.