Упрыгожвай тое месца, дзе ты жывеш
18.12.2018
—
Разное
|
Маленька Радзіма, дарога полем сцелецца,
Маленькая Радзіма, у лепшае ўсё верыцца, Палёў бясконцы водар і моцны шум дубраў, Маленькая радзіма, дзе поспех першых спраў…
Маленькая Радзіма, дзе тата з мамай ёсць, Маленькая Радзіма, вясковец – лепшы госць, Дзе вее моцны ветрык, ад яблынь смачны пах, Маленькая Радзіма, там незнаёмы страх. Маленькая Радзіма, акно і куст жасміна, Прыгожая сястра Яніна, Маленькая Радзіма, маленькая Радзіма… У людзей складвацца лёс па-рознаму: хтосьці вымушаны пакінуць сваю маленькую Радзіму, а іншыя і наогул жывуць далёка за яе межамі. Але для ўсіх людзей гэта самы дарагі куточак на Зямлі. І чым сталейшымі мы становімся, тым больш нас вабіць нейкая сіла ў тыя месцы, адкуль усё пачалося. Ведаеце, я раблю выснову, што, пакідаючы сваю Радзіму, мы пакідаем там часцінку сваёй душы, і менавіта яна нас кліча і кліча ў далёкае мілае. А наведаўшы яе, мы атрымліваем столькі фізічных і маральных сіл, столькі жыццёвай энергіі і душэўнага пакою, што ўсяго гэтага хапае нам надоўга. Яна нас чакае, каб абнавіць, адрадзіць, а, можа, і яшчэ, каб напомніць нам аб сэнсе жыцця. А ў чым жа сэнс жыцця? Чаму нас вучылі бацькі, настаўнікі і проста старэйшыя людзі? Вучылі тварыць, любіць, паважаць, шанаваць, аберагаць свой народ і ўсё прыгожае, што нас акружае. Усе гэтыя словы павінны стаць ключавымі ў нашай свядомасці. Наша жыццёвая пазіцыя павінна быць актыўнай, сучаснай і разумнай. Кожны чалавек абавязаны з любоўю і адказнасцю адносіцца да тых месцін, дзе нарадзіўся і дзе жыве. З дзяцінства мы павінны выхоўваць беражлівыя адносіны да навакольнага свету, прывіваць экалагічную культуру. Вельмі шмат застаецца нявырашаных праблем, звязаных з экалагічнай культурай, з добраўпарадкаваннем тэрыторыі каля жылых хат і хат жыхароў , якія адышлі ў вечнасць. Усё гэта нас павінны засмучаць, таму што гэтыя маўклівыя сведкі мінулага не надаюць прыгажосці нашым родным мясцінам, а наадварот. Радуецца сэрца, калі бацькоўскія хаціны стаяць не асірацелыя, а выкарыстоўваюць як дачы, іх даглядаюць дзеці і ўнукі, садзяць кветнікі, абкошваюць бур’яны, не ствараюць сметнікі. Па прыгожых краявідах Шмат рачулак удалеч льецца, У нас балот, азёр бясконца… Сінявокай Радзіма завецца. Прыгажосць – багацце наша… Давайце не страцім наша нацыянальнае багацце і не загубім прыгажосць нашых мясцін. Разам будзем рабіць усё, каб квітнелі нашыя гарады, нашыя вёсачкі і кожны асабісты дворык. І станем мы чысцей і святлей сваімі ўчынкамі і сваёй душой. Як не любавацца нашымі блакітнымі азёрамі, рамонкавымі лугамі ды васільковымі палямі…. Хто сказаў, што няма ў нас мора? Той проста памыляецца, У хвалях ільну і васількоў Наш народ купаецца. Падыходзіць да завяршэння 2018 год, абвешчаны годам малой Радзімы. Але наперадзе яшчэ шмат важных спраў. Кожны з нас хай зробіць для сябе выснову, што карыснае ён зрабіў у апошні час для таго куточка зямлі, дзе нарадзіўся, і таго, дзе жыве. Усё пачынаецца з малога, і справы добрыя таксама. Давайце любіць, берагчы, шанаваць і рабіць усё, каб яшчэ прыгажэйшай была наша краіна, бо яна самая-самая наймілейшая ў свеце!. Няма мілей за нашу краіну Ва ўсім белым свеце! Слава сусветная аб Беларусі Ходзіць па нашай планеце! Алена Іванаўна ЯРОЎСКАЯ, настаўніца геаграфіі ДУА “ВПК Войстамскі яслі-сад - базавая школа”. Чтобы разместить новость на сайте или в блоге скопируйте код:
На вашем ресурсе это будет выглядеть так
Маленька Радзіма, дарога полем сцелецца, Маленькая Радзіма, у лепшае ўсё верыцца, Палёў бясконцы водар і моцны шум дубраў, Маленькая радзіма, дзе поспех першых...
|
|