Асцярожна на лёдзе!

18.02.2019 — Разное |

Размер текста:: A; A; A

Источник материала:

Летась у Брэсцкай вобласці патанула 64 чалавекі

Шасцёра з іх ліку – дзеці. 61 чалавек патануў на вадаёмах, адзін чалавек патануў на працоўным месцы, адзін чалавек – за межамі вобласці, і яшчэ адзін патануў у хатне-бытавых умовах.

24 чалавекі загінулі пры купанні, амаль палова з іх знаходзіліся ў стане алкагольнага ап'янення. Падчас рыбнай лоўлі загінулі 15 чалавек, 7 з іх таксама знаходзіліся ў нецвярозым стане. У 2018 годзе ў Івацэвіцкім раёне патанулі два рыбакі.

Хочацца нагадаць: у сувязі з умовамі надвор'я, калі сярэднесутачная тэмпература вышэй за 0 градусаў, пачынаецца раставанне снегу. Лёд становіцца небяспечным ля берагоў. Калі сярэднесутачная тэмпература паветра перавальвае за плюсавую адзнаку, то на паверхні лядовага пакрыцця пачне інтэнсіўна раставаць снег, і гэты працэс паскараецца вятрамі, туманамі і дажджамі. Павярхоўная вада ўбіраецца ў лёд, парушаючы яго структуру, выклікае распад лёду. Адначасова лёд падтае і знізу. Гэты лёд небяспечны тым, што ён не затрашчыць папераджальна, як у першалёддзі, а нечакана распадаецца пад нагамі.

Раённая арганізацыя АСВОД звяртаецца да ўсіх жыхароў раёна:

– не падвяргайце сваё жыццё небяспецы;

– выконвайце меры бяспекі на вадаёмах;

– памятаеце, што алкаголь – асноўная прычына гібелі чалавека ад утаплення.

Л. І. Пішчык, старшыня раённай арганізацыі АСВОД.