Пераменная воблачнасць, невялікія дажджы

Характар надвор’я, які ўсталяваўся на тэрыторыі раёна на мінулым тыдні, захаваецца нязменным і ў наступныя сем дзён: пераменная воблачнасць, невялікія дажджы і вецер, тэмпература — вышэй за нуль.

Сёння, 19 сакавіка, у другой палове дня магчымы невялікі дождж, будзе пахмурна з праясненнямі, заходні вецер складзе 7 — 9 метраў за секунду, парывы — да 15. Удзень слупок тэрмометра пакажа 6…7 градусаў цяпла, уначы — -1…+1 °С.

У сераду, 20 сакавіка, чакаецца таксама воблачнае з праясненнямі надвор’е, без ападкаў, толькі ноччу магчымы невялікі дождж. Вецер — заходні — да 7 м/с. Дзённая тэмпература складзе +4…+7 °С, уначы — 3…4 градусы са знакам “+”.

У чацвер, 21 сакавіка, па дадзеных спецыялістаў, паветра ўдзень прагрэецца да +8…+11 °С, ноччу — да  +6…+7 °С.. Ападкі ў выглядзе невялікага дажджу верагодныя ранкам і ўвечары. Паўночна-заходні вецер складзе 4 — 6 м/с.

У пятніцу спецыялісты перадаюць на тэрыторыі раёна суцэльную воблачнасць, на працягу дня дажджы, заходні вецер — 5 — 7 м/с. Удзень — 9…11 градусаў вышэй за нуль, уначы — +6…+7 °С.

Пра надвор’е на выхадныя чытайце  ў наступным матэрыяле.

“НН”.