Главная
Гороскопы
18 красавіка ў рамках адзінага дня інфармавання насельніцтва старшыня Карэліцкага райвыканкама Віктар Шайбак сустрэўся з калектывам раённага Цэнтра гігіены і эпідэміялогіі. Закрануўшы тэму ўмацавання пазітыўнага іміджу беларускай дзяржавы на міжнароднай арэне, кіраўнік раёна звярнуўся да лакальных пытанняў экспарту тавараў і паслуг.
Тавары з Карэліцкага раёна экспарціруюцца ў восем краін свету. Упершыню ў 2018 годзе ў Эстонію на суму 5,6 тысяч долараў адпраўлена тэхнічнае масла. Асноўнымі эканамічнымі партнёрамі застаюцца краіны СНД, куды экспарціравана тавараў у 2018 годзе на суму звыш 2 млн долараў. Як і раней, ААТ “Карэлічы-Лён” рэалізоўвала за мяжу льновалакно, ТАА “Ніка” – бульбу і “Вікас” – мяса і мясныя вырабы.
Дэталёва спыніўся Віктар Шайбак на сацыяльна-эканамічным становішчы раёна. Так, па вытворчасці прадукцыі сельскай гаспадаркі Карэліцкі раён уваходзіць у пяцёрку мацнейшых на Гродзеншчыне. Удой на адну карову складае 16,9 літра, продаж — 14,9 літра. У 2018 годзе ад адной каровы ў Карэліцкім раёне атрымана 6032 кілаграмы малака.
Планка ў вытворчасці жывёлагадоўчай прадукцыі ўзята высокая, таму трэба ўтрымліваць яе, рэзюмаваў старшыня райвыканкама.
Іна ЛЕЙКА
Фота аўтара