Падрабязнасці аварыі пад Крупкамі: з рэек сышлі сем вагонаў. 21.by

Падрабязнасці аварыі пад Крупкамі: з рэек сышлі сем вагонаў

15.07.2019 21:44 — Разное |  
Размер текста:
A
A
A

Источник материала:


Аварыя на чыгунцы ў Крупках / tourz.by

На чыгуначным перагоне Крупкі-Прыяміна ў Мінскай вобласці з рэек сышлі сем пустых вагонаў грузавога цягніка №3007. Аварыя выклікала змены ў графіку руху некаторых пасажырскіх цягнікоў, перадае БЕЛТА са спасылкай на прэс-цэнтр Беларускай чыгункі.

Інцыдэнт здарыўся ў 16:08. Агулам у цягніку было 89 вагонаў, яны ішлі па маршруце Орша-Мінск. У прэс-службе БЧ кажуць, што на месца аварыі адпраўленыя аднаўленчыя цягнікі са станцый Орша-Цэнтральная і Мінск-Сартавальны. Пацярпелых пры здарэнні няма, шкода экалогіі не прычыненая.

Рух цягнікоў адбываецца па другім галоўным шляху перагону, што паўплывала на змены ў іх графіку. Як распавядала Еўрарадыё, аварыя выклікала затрымкі ў руху цягнікоў на аршанскім напрамку. 

Цягнік міжрэгіянальных ліній бізнес-класа №704 Мінск-Віцебск адпраўленнем з Мінска ў 17:04 пайшоў змененым маршрутам праз Маладзечна і Полацк. Цягнік міжрэгіянальных ліній эканом-класа №612 Баранавічы-Віцебск / Крычаў адпраўленнем з Баранавіч у 15:10 рухаецца ад станцыі Мінск-Пасажырскі праз Асіповічы і Магілёў. Больш падрабязную інфармацыю аб руху цягнікоў прапаноўваюць атрымаць у кантакт-цэнтры Беларускай чыгункі па тэлефоне 105. 

Для расследавання інцыдэнту была створаная спецыяльная камісія.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Аварыя на чыгунцы ў Крупках / tourz.by На чыгуначным перагоне Крупкі-Прыяміна ў Мінскай вобласці з рэек сышлі сем пустых вагонаў грузавога цягніка №3007. Аварыя...
 
 
 

РЕКЛАМА

Архив (Разное)

РЕКЛАМА


Яндекс.Метрика