Аб’яўлены конкурс на лепшае асвятленне тэматыкі Дня беларускага пісьменства ў Слоніме. 21.by

Аб’яўлены конкурс на лепшае асвятленне тэматыкі Дня беларускага пісьменства ў Слоніме

18.07.2019 — Разное |  
Размер текста:
A
A
A

Источник материала:


Аб’яўлены конкурс на лепшае асвятленне тэматыкі Дня беларускага пісьменства ў Слоніме сярод рэспубліканскіх і рэгіянальных друкаваных сродкаў масавай інфармацыі Беларусі

ПАЛАЖЭННЕ аб конкурсе сярод рэспубліканскіх і рэгіянальных друкаваных сродкаў масавай інфармацыі Рэспублікі Беларусь на лепшае асвятленне тэматыкі Дня беларускага пісьменства ў горадзе Слоніме

1. Дадзенае Палажэнне ўстанаўлівае парадак арганізацыі, правядзення і падвядзення вынікаў конкурсу сярод рэспубліканскіх і рэгіянальных друкаваных сродкаў масавай інфармацыі (далей – СМІ) на лепшае асвятленне тэматыкі Дня беларускага пісьменства, які ў 2019 годзе будзе праводзіцца ў г. Слоніме Гродзенскай вобласці (далей – Конкурс).

2. Конкурс праводзіцца з мэтай усебаковага садзейнічання ў асвятленні рэспубліканскай і рэгіянальнай прэсай гісторыі станаўлення і развіцця ўсіх сфер, звязаных з беларускай пісьменнасцю, яе ролі і месца ў сусветным гістарычным працэсе.

3. Арганізатарам Конкурсу з’яўляецца галоўнае ўпраўленне ідэалагічнай работы і па справах моладзі Гродзенскага абласнога выканаўчага камітэта (далей – аблвыканкам) пры падтрымцы Міністэрства інфармацыі Рэспублікі Беларусь. Арганізатар Конкурсу забяспечвае роўныя ўмовы для ўсіх яго ўдзельнікаў, адкрытасць правядзення Конкурсу.

Інфармацыйныя партнёры Конкурсу – выдавецкі дом «Звязда» і рэдакцыя газеты «Гродзенская праўда».

4. Конкурс праводзіцца з 17 ліпеня па 20 жніўня 2019 г.

5. У Конкурсе могуць браць удзел друкаваныя СМІ, зарэгістраваныя ў Беларусі ва ўстаноўленым заканадаўствам парадку, а таксама асобныя журналісты і творчыя работнікі друкаваных СМІ па прадстаўленні юрыдычнай асобы, на якую ўскладзены функцыi рэдакцыi сродку масавай інфармацыі.

6. Для разгляду прымаюцца работы, апублікаваныя з 15 ліпеня па 20 жніўня 2019 г. Аформленыя работы падаюцца ў галоўнае ўпраўленне ідэалагічнай работы і па справах моладзі Гродзенскага аблвыканкама па адрасе: 230023, г. Гродна, вул. Ажэшкі, 3, або па электроннай поште uirp@mail.grodno.by, галоўнае ўпраўленне ідэалагічнай работы і па справах моладзі ў тэрмін да 20 жніўня 2019 г.

7. Для падвядзення вынікаў Конкурсу ствараецца журы (Дадатак 1).

8. Рашэнне журы Конкурсу вызначаецца пратаколам і падпісваецца ўсемі членамі журы. Журы мае права прымаць рашэнне, калі ў рабоце прымае ўдзел не менш за дзве трэці яго складу.

9. Вызначэнне лаўрэатаў Конкурсу праводзіцца ў наступных намінацыях:

– лепшы рэспубліканскі друкаваны СМІ па асвятленні тэматыкі Дня беларускага пісьменства ў перыяд правядзення Конкурсу;

– лепшы рэгіянальны друкаваны СМІ па асвятленні тэматыкі Дня беларускага пісьменства ў перыяд правядзення Конкурсу;

– лепшая публікацыя ў рэспубліканскім друкаваным СМІ ў перыяд правядзення Конкурсу;

– лепшая публікацыя ў рэгіянальным друкаваным СМІ ў перыяд правядзення Конкурсу.

10. У кожнай намінацыі вызначаюцца па два пераможцы.

11. Агульныя крытэрыі ацэнкі прадстаўленых на Конкурс матэрыялаў:

– актуальнасць і сацыяльна-культурная значнасць;

– аўтарскае майстэрства;

– арыгінальныя метады падачы матэрыялу.

12. Узнагароджанне лаўрэатаў конкурсу праводзіцца 1 верасня 2019 г. у г. Слоніме. Пераможцам у намінацыях уручаюцца дыпломы ў рамках і прызы.

13. Фінансаванне арганізацыі і правядзення конкурсу ажыццяўляецца за кошт сродкаў, прадугледжаных у каштарысе галоўнага ўпраўлення ідэалагічнай работы і па справах

моладзі аблвыканкама на іншыя агульнадзяржаўныя расходы, а таксама іншых крыніц, не забароненых заканадаўствам Рэспублікі Беларусь.

14. Матэрыялы, прадстаўленыя на Конкурс, захоўваюцца ў галоўным упраўленні ідэалагічнай работы і па справах моладзі Гродзенскага аблвыканкама да 1 лістапада 2019 года.

Склад журы Конкурсу:

– Карлюкевіч Александр Мікалаевіч – Міністр інфармацыі Рэспублікі Беларусь, сустаршыня журы (са згоды).

– Лісковіч Віктар Андрэевіч – намеснік старшыні Гродзенскага аблвыканкама, сустаршыня журы (са згоды).

– Вярсоцкі Аляксандр Людвігавіч – начальнік галоўнага ўпраўлення ідэалагічнай работы і па справах моладзі Гродзенскага аблвыканкама.

– Шумейка Сяргей Сцяпанавіч – намеснік начальніка галоўнага ўпраўлення ідэалагічнай работы і па справах моладзі Гродзенскага аблвыканкама.

– Сцепаненка Ірына Браніславаўна – намеснік начальніка галоўнага ўпраўлення ідэалагічнай работы і па справах моладзі Гродзенскага аблвыканкама.

– Жалезняковіч Віктар Паўлавіч – прэс-сакратар Гродзенскага абласнога выканаўчага камітэта (са згоды).

– Кашкевіч Ігар Аляксеевіч – начальнік аддзела па ўзаемадзеянні са СМІ, справах рэлігій і нацыянальнасцяў галоўнага ўпраўлення ідэалагічнай работы і па справах моладзі.

– Піваварчык Тамара Анатольеўна – дэкан факультэта гісторыі, камунікацыі і турызму УА «Гродзенскі дзяржаўны універсітэт імя Я.Купалы» (са згоды).

– Мінчук Іна Іванаўна – загадчыца кафедры журналістыкі УА «Гродзенскі дзяржаўны ўніверсітэт імя Янкі Купалы» (са згоды).

0

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Аб’яўлены конкурс на лепшае асвятленне тэматыкі Дня беларускага пісьменства ў Слоніме сярод рэспубліканскіх і рэгіянальных друкаваных сродкаў масавай...
 
 
 

РЕКЛАМА

Архив (Разное)

РЕКЛАМА


Яндекс.Метрика