На выхадных чакаецца змяненне надвор’я

У хуткім часе дажджлівае надвор’е, якое панавала на тэрыторыі Нясвіжскага раёна больш за два тыдні, зменіцца больш цёплым, летнім і бездажджлівым.

Сёння, 18 ліпеня, у першай палове дня яшчэ магчымы дождж і  паўночна-заходні вецер 6 — 8 метраў за секунду, пры парывах — да 13. Захаваецца воблачнасць з праясненнямі. Удзень — +17…+19 °С, ноччу —13…15 цяпла.

У пятніцу, 19 ліпеня, будзе хмарнае з праясненнямі надвор’е, ападкі не прагназуюцца. Вецер — заходні — 5 — 7 м/с. Дзённая тэмпература складзе 21…23 градусы вышэй за нуль, уначы — +11…+15 °С.

Субота стане яшчэ больш цёплым днём: +22…+25 °С. Надвор’е малавоблачнае, без дажджу. Заходні вецер складзе не больш за 5 м/с. Ноччу —15…17 градусаў цяпла.

У нядзелю — у асноўным ясна і цёпла — +25…+27 °С. Вецер захавае парметры папярэдняга дня. Уначы — 18…20 градусаў, магчымы невялікі дождж.

У панядзелак, 22 ліпеня, магчымы ападкі на працягу дня. Удзень слупок тэрмометра пакажа каля +24…+25 °С, ноччу —16…18 з плюсам.

Аўторак, па дадзеных спецыялістаў, таксама будзе з ападкамі. Удзень —+21…+22 °С, уначы — +16.

“НН”.