На жатве-2019 ещё один победитель! Александр Малахов первым в районе намолотил 700 тонн зерна. 21.by

На жатве-2019 ещё один победитель! Александр Малахов первым в районе намолотил 700 тонн зерна

21.08.2019 — Разное |  
Размер текста:
A
A
A

Источник материала:

На жніве-2019 вызначыўся яшчэ адзін пераможца раённага спаборніцтва. На гэтым тыдні на камбайне маркі “Палессе” Аляксандр Аляксандравіч Малахаў з “Маяка-Ушацкага” першым у раёне намалаціў 700 тон зерня.

“Дынастыя Мала­хавых упэўнена захапіла лідарства, дастаткова глянуць на Дошку гонару ў газеце – і ўсё бачна, іх ужо ведае ўвесь раён. Хутка будуць аўтографы раздаваць, як іх цёзка з тэлеэкранаў!” – па-добраму зайздросцяць і жартуюць калегі механізатараў.

Малахавы ў гэтым сезоне сапраўды на перадавой: як мы ўжо паведамлялі, узнагароду за першую тысячу тон, намалочаную на “Нью-Холандзе”, атрымаў Станіслаў, бясспрэчнымі лідарамі на сваіх марках з’яўляюцца Аляксандр Аляксандравіч і Дзмітрый.

Па традыцыі ўшаноўвалі пераможцу прама ў полі. Камбайнер атрымаў у падарунак чырвоную майку лідара і кепку з лагатыпам прафсаюза аграпрамысловага комплексу, вымпел пераможцы, які адразу заняў месца ў кабіне тэхнікі, дыплом, а таксама грашовую прэмію ў памеры 60 рублёў, а гэта істотная прыбаўка да зарплаты. Старшыня райкама прафсаюза работнікаў АПК Пётр Аляксандравіч Алексяёнак і старшыня раённага аб’яднання прафсаюзаў Марыя Аляксееўна Шаўчэнка пажадалі працаўніку новых перамог, высокіх намалотаў і спрыяльнага надвор’я. Трэба сказаць, што такія пажаданні былі вельмі дарэчы. Нябесная канцылярыя ніяк не дае аграрыям працаваць на поўную моц і завяршыць жніво – на многія палеткі магутная тэхніка проста не можа заехаць.

Нягледзячы на пераможныя 700 тон зусім не на вышыні быў настрой у Аляксандра Аляксандравіча: на полі за Судзілавічамі авёс быў нізкай ураджайнасці, ды яшчэ і з травой, таму бункер напаўняўся марудна. “Спачываць на лаўрах рана, яшчэ шмат работы, ёсць што ўбіраць”, – зазначыў вопытны механізатар, які ўжо больш 15 сезонаў выязджае на камбайне на ўшацкія палеткі. А вось на гэтым КЗС-1218 – толькі першы, і новая тэхніка не падводзіць.

Тым часам райкам прафсаюза аграрыяў прадаўжае пільна сачыць за паказчыкамі астатніх удзельнікаў уборачнай кампаніі. Яшчэ чакае свайго ўладальніка ўзнагарода першаму тысячніку на адвозцы. І тут, трэба адзначыць, нарастае інтрыга, з адносна невялікай разбежкай ідуць прадстаўнікі “Ільюшынскага” і “Маяка-Ушацкага”. Хто ж упрыгожыць сваю тэхніку вымпелам пераможцы, даведаемся літаральна гэтымі днямі.

Вольга КАМАРКОВА.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
На жніве-2019 вызначыўся яшчэ адзін пераможца раённага спаборніцтва. На гэтым тыдні на камбайне маркі “Палессе” Аляксандр Аляксандравіч Малахаў з...
 
 
 

РЕКЛАМА

Архив (Разное)

РЕКЛАМА


Яндекс.Метрика