Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне. 21.by

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Размер текста:
A
A
A

Источник материала: Вороновская газета

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Крыху больш за тыдзень застаецца да штогадовага нацыянальнага свята — дваццаць шостага па ліку Дня беларускага пісьменства. Яго эстафету сёлета прыме старажытны Слонім, дзе да згаданай падзеі завяршаюцца апошнія падрыхтаванні. Ужо ў гэтыя дні шмат якія гарады і вёскі наведваюць групы ўдзельнікаў штогадовай экспедыцыі «Дарога да святыняў» — састаўной часткі будучых урачыстасцяў. Падчас такіх паездак яны не толькі вырашаюць тэхнічныя пытанні руху экспедыцыйнага транспарту, удакладняюць на месцах арганізацыйныя планы, але і праводзяць сустрэчы з жыхарамі населеных пунктаў, куды перад святам прыбудуць паломнікі.

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Адна з такіх сустрэч днямі адбылася ў Палацы культуры гарадскога пасёлка Любча Навагрудскага раёна.

Кіраўнік экспедыцыі навуковы супрацоўнік Нацыянальнай акадэміі навук Беларусі Аляксандр Лапата-Загорскі паведаміў, што сёлетні навукова-асветніцкі маршрут працягнецца амаль на 1000 кіламетраў. У розных гарадах і вёсках Мінскай, Гродзенскай, Брэсцкай абласцей адбудуцца творчыя сустрэчы і асветніцкія канферэнцыі. Усюды будуць пасаджаны дрэўцы агульнага саду малітвы. Удзельнікі экспедыцыі пабываюць у працоўных калектывах, дзіцячых дамах, інтэрнатах, бальніцах завітаюць на ўрокі беларускага пісьменства.

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Усе, хто прыйдзе на сустрэчу з удзельнікамі экспедыцыі, убачаць яе галоўныя святыні — Дабрадатны агонь ад Гроба Гасподняга і цудадзейны Загор’е-Сталавіцкі абраз, пачуюць словы вядомых святароў. Дабрадатным агнём будуць асвячоны помнікі славы і мужнасці нашага народа, над пахаваннямі воінаў і партызан прагучаць памінальныя набажэнствы. Пра гэта і многія прыклады нашых спадчынных духоўных каштоўнасцяў расказаў удзельнік экспедыцыі настаяцель храма свяціцеля Мікалая Цудатворца з вёскі Вялікая Ухалода протаіерэй Аляксандр Пачопка.

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» пабывала ў Навагрудскім раёне

Пабывала група ўдзельнікаў ХХVІ міжнароднай навукова-асветніцкай экспедыцыі «Дарога да святыняў» і ў Любчанскім замку, які ўнесены ў Спіс гісторыка-культурных каштоўнасцяў Рэспублікі Беларусь. На яго пляцоўках працуюць валанцёры — ідзе рэканструкцыя, перад пачаткам якой тут высіліся напаўразбураныя вежы XVІ стагоддзя ды некалькі мураваных будынкаў больш позняга часу. Заказчыкам рэстаўрацыі з’яўляецца дабрачынны фонд «Любчанскі замак». З ходам аднаўлення гісторыка-культурнай каштоўнасці ўдзельнікаў экспедыцыі пазнаёмілі заснавальнік фонду Іван Пячынскі і яго памочнік Мікалай Пранько.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Крыху больш за тыдзень застаецца да штогадовага нацыянальнага свята — дваццаць шостага па ліку Дня беларускага пісьменства. Яго эстафету сёлета прыме старажытны...
 
 
 


Архив (Разное)

21.by в социальных сетях



Партнёры

© 2004-2019 21.by
Яндекс.Метрика