Віцебшчына вылучыла сваіх кандыдатаў у Савет Рэспублікі

З васьмі кандыдатаў трое з’яўляюцца дзеючымі членамі Савета Рэспублікі. Так, на другі тэрмін вылучана ад абласнога цэнтра дырэктар тэлерадыёкампаніі “Віцебск” Алена Панцюхова; Лёзненскі, Гарадоцкі, Віцебскі і Шумілінскі раёны прапанавалі кандыдатуру рэктара Віцебскага медуніверсітэта Анатоля Шчаснага; Аршанскі і Дубровенскі раёны падтрымалі начальніка галоўнага ўпраўлення па ахове здароўя аблвыканкама Юрыя Дзеркача.

Таксама ў верхнюю палату парламента прапанавалі кандыдатуры: старшыні Наваполацкага гарвыканкама  Дзмітрыя Дзямідава – ад горада Наваполацка і Расонскага раёна; начальніка галоўнага  ўпраўлення гандлю і паслуг аблвыканкама Ірыну Ляўковіч – ад Бешанковіцкага, Сенненскага, Чашніцкага і Талачынскага раёнаў; начальніка рэгіянальнай дырэкцыі ААТ “Белаграпрамбанк” Алега Жынгеля – ад Глыбоцкага, Докшыцкага, Лепельскага і Ушацкага раёнаў; генеральнага дырэктара “Віцебскаблдарбуда” Уладзіміра Мацвеева – ад Браслаўскага, Міёрскага, Пастаўскага і Шаркоўшчынскага раёнаў; дырэктара Полацкага каледжа Віцебскага дзяржуніверсітэта Таццяну Палушкіну – ад Полацкага і Верхнядзвінскага раёнаў.

Да 13 кастрычніка пройдзе рэгістрацыя кандыдатаў у Цэнтрвыбаркаме. Выбары членаў Савета Рэспублікі адбудуцца па ўсёй краіне 7 лістапада на сумесных пасяджэннях дэпутатаў мясцовых Саветаў дэпутатаў базавага ўзроўню шляхам тайнага галасавання.

Надрукавана ў №79 ад 08.10.2019 г.