Пахмурнае надвор’е з дажджамі, ветрам і месцамі з туманам затрымаецца на тэрыторыі раёна да канца тыдня. На выхадныя сіноптыкі абяцаюць меншую воблачнасць і пацяпленне да 17 градусаў.
Сёння, 10 кастрычніка, будзе панаваць суцэльная воблачнасць з дажджамі на працягу дня. Вецер — заходні — 5 — 7 метраў за секунду. Удзень — +10…+11 °С, ноччу — 8…9 градусаў цяпла.
У пятніцу, 11 кастрычніка, характар надвор’я не зменіцца: пахмурна і з ападкамі. Чакаецца ўзмацненне паўднёва-заходняга ветру да 7 — 9 м/с, парывы — да 14.
Субота стане не такім дажджлівым днём (ападкі чакаюцца толькі ў першай палове дня), але пахмурным, ветраным (8 — 10 м/с, з парывамі да 14) і больш цёплым: паветра ўдзень прагрэецца да +13…+16 °С, уначы — +12…+13 °С.
У нядзелю — пахмурна, але без дажджу. Паўднёва-заходні вецер складзе 5 — 7 м/с. Удзень — 15…17 градусаў са знакам “+”, ноччу — +11…+12 °С.
Панядзелак, 14 кастрычніка, прагназуецца яшчэ больш сонечным і цёплым днём: +17…+20 °С, ноччу — 10…11 градусаў з плюсам. Ападкаў не чакаецца. Магчымы невялікі ранішні туман. Вецер свайго напрамку не зменіць і складзе не больш за 3 — 5 м/с.
“НН”.