Жанчыну з Беларусі ў Расію перавозілі ў багажніку аўтобуса

На мінулых выходных расійскія памежнікі ў Смаленскай вобласці выявілі і затрымалі сем замежнікаў, піша сайт smolensk-i.ru.

Пры гэтым адну замежніцу, якая спрабавала нелегальна трапіць у Расію выявілі ў багажным аддзяленні міжнароднага рэйсавага аўтобуса. Нелегалка ехала на аўтобусе рэйсу "Мінск-Масква". Транспарт належыць расійскай фірме-перавозчыку.

Памежнікі аштрафавалі ўсіх парушальнікаў мяжы, пасля чаго вярнулі іх назад у Беларусь.