Міністар замежных справаў Швецыі расказаў пра розніцу паміж Лукашэнкам і Аліевым. 21.by

Міністар замежных справаў Швецыі расказаў пра розніцу паміж Лукашэнкам і Аліевым

06.11.2013 11:28 — Новости Политики |  
Размер текста:
A
A
A

Источник материала:

Міністар замежных справаў Швецыі Карл Більт надалей лічыць, што Лукашэнка з'яўляецца "лузерам" у палітыцы. Більт даў кароткае інтэрвію карэспандэнту Радыё Свабода Рыкарду Юзвяку.

РС: Вы заявілі, што перад самітам ЕЗ у Вільні разам з Радаславам Сікорскім наведаеце ўсе сталіцы краінаў-удзельніц Усходняга партнерства. Але вы не паехалі ў Мінск. Чаму? Вас там не захацелі прыняць ці вы самі вырашылі ня ехаць?

Більт: Тут было некалькі прычынаў. У канчатковым выніку мы з Радэкам Сікорскім вырашылі, што паедзем толькі ў тры сталіцы. А ў тры іншыя мы паслалі дырэктараў нашых палітычных дэпартаментаў. Так што дырэктары шведзкага і польскага палітычных дэпартаментаў МЗС былі ў Мінску.

РС: Пасля прэзідэнцкіх выбараў 2010 году ў Беларусі вы і некаторыя вашы калегі напісалі памятны артыкул, у якім назвалі Аляксандра Лукашэнку "лузерам". Гледзячы на гэта з перспектывы 2013 году, скажыце, што Лукашэнка насамрэч страціў? Ён жа надалей мае ўсё тое, што яму трэба. Ці вы надалей называеце яго "лузерам"?

Більт: Праўда, ён надалей застаецца пры ўладзе. Але ў яго, мякка кажучы, складаныя адносіны з Еўразвязам. У яго даволі складаныя адносіны з Расіяй. Эканамічная і сацыяльная сітуацыя краіны, мякка кажучы, не паляпшаецца. Так што Беларусь, безумоўна, апынулася ў цяжкай сітуацыі, што тычыцца структуры міжнародных адносін. У мяне моцнае ўражанне, што ім у Мінску будзе чым турбавацца ў бліжэйшыя гады.

РС: Часам немагчыма устрымацца ад іроніі, гледзячы на Ўсходняе партнерства, на саміты якога запрашаюць спадара Аліева з Азербайджану, а не запрашаюць спадара Лукашэнку з Беларусі, хоць абодва з іх парушаюць правы чалавека, чаго ўжо скрываць. У чым жа розніца між імі?

Більт: Розніца ў тым, што Лукашэнка няволіць апазыцыю. Усе ключавыя фігуры беларускай апазіцыі былі пасаджаныя ў турму. Сітуацыю ў Азербайджане нельга назваць добрай, але яна адрозніваецца ад сітуацыі ў Беларусі ў гэтым сэнсе.

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Міністар замежных справаў Швецыі Карл Більт надалей лічыць, што Лукашэнка з'яўляецца "лузерам" у палітыцы. Більт даў кароткае інтэрвію карэспандэнту Радыё Свабода.
 
 
 

РЕКЛАМА

Архив (Новости Политики)

РЕКЛАМА


Яндекс.Метрика