КАЛЯНДАР ЗНАМЯНАЛЬНЫХ ДАТ І ПАДЗЕЙ БЯРЭЗІНШЧЫНЫ НА 2013 ГОД
22.03.2013
—
Новости регионов
|
270 гадоў - споўнілася першаму ўспаміну ў пісьмовых дакументах пра Божынскую Свята-Ільінскую ўніяцкую царкву. 235 гадоў назад - у мястэчку Беразіно ў бацькоў шляхціцаў нарадзіўся будучы “бярэзінскі прарок” Афанасій Тадэвушавіч Марцінкевіч. 180 гадоў назад - 1 ліпеня ў былым маёнтку Уборкі (у межах вёскі Астроўкі Сялібскага сельскага Савета нарадзіўся беларускі пейзажыст Іпаліт Гіляравіч Гараўскі. - 30 студзеня нарадзіўся беларускі жывапісец, пейзажыст і партрэтыст Апалінарый Гіляравіч Гараўскі. 155 гадоў - спаўняецца забудове помніку архітэктуры позняга класіцызму – сядзібе графа Патоцкага ў Беразіно. 110 гадоў назад - 3 лютага ў вёсцы Капланцы нарадзіўся адзін з арганізатараў і кіраўнікоў падполля ў гады Вялікай Айчыннай вайны ў Бярэзінскім раёне Сямён Адамавіч Яроцкі; - 19 жніўня ў вёсцы Баравіно нарадзіўся адзін з кіраўнікоў партызанскага руху на Міншчыне ў гады Вялікай Айчыннай вайны Пётр Паўлавіч Ванкевіч. 105 гадоў назад - у Беразіно ўпершыню адбыўся кінасеанс, у час якога бярэзінцы пабачылі на экране “жывыя фотакарткі”. 100 гадоў назад - 15 мая ў вёсцы Сяліба нарадзіўся мастацтвазнаўца Ізраіль Барысавіч Элентух; - адкрыта земская тэлефонная станцыя Беразіно-Ігумен-Мінск. 90 гадоў назад - у вёсцы Сяліба адкрыліся клуб і прыклубная бібліятэка на 400 кніг; - 21 верасня ў пасёлку Лучны Мост Сялібскага сельскага Савета нарадзіўся Мікалай Аляксандравіч Барысевіч – беларускі фізік, Герой Сацыялістычнай працы, акадэмік; - у Мінску нарадзілася сувязная 345-ага партызанскага атрада Вера Іванаўна Лясных, яе іменем названа вуліца ў Беразіно; - у Беразіно адкрыўся дзіцячы гарадок. 85 гадоў назад - 10 сакавіка ў Беразіно нарадзіўся Яўген Антонавіч Сідаровіч, вучоны, кандыдат біялагічных навук; - 20 чэрвеня па маршруце Мінск-Беразіно прайшоў першы аўтобус; - у Беразіно пачаў дзейнічаць радыёвузел, які абслугоўваў 150 радыёслухачоў. 80 гадоў назад - 7-8 лістапада цераз раку Берэзіна быў адкрыты мост, на ўрачыстасці прысутнічаў старшыня Саўнаркама БССР М.М. Галадзед. 75 гадоў назад - 15 студзеня Бярэзінскі раён увайшоў у склад Магілёўскай вобласці; - 27 верасня мястэчка Беразіно атрымала статус гарадскога пасёлка; - 15 лютага Бярэзінская раённая бібліятэка адзначыла наваселле ў новым памяшканні па вуліцы Ленінскай, дом 1 (цяпер жылы дом); - утворана Багушэвіцкае лясніцтва. 70 гадоў назад - у лістападзе ў вёсцы Жабаўка прайшла першая канферэнцыя Бярэзінскага падпольнага райкама КП(Б), у памяць аб гэтай падзеі ў 1972 годзе пастаўлена стэла. 65 гадоў назад - 5 студзеня ў вёсцы Чырвоная Зорка Багушэвіцкага сельскага Савета нарадзіўся Мікалай Рыгоравіч Хахол, беларускі спартсмен, заслужаны майстар спорту СССР (1971г.); - 18 ліпеня ўрачыста адкрыты стадыён у Беразіно; - 1 верасня пасля капітальнага рамонту былога палаца графа Патоцкага тут пачаліся заняткі Бярэзінскай СШ № 1. 55 гадоў назад - 28 сакавіка прайшла першая канферэнцыя раённага аддзялення таварыства “Веды”; - 21 чэрвеня на магіле першага камсамольца раёна М.В. Рыбачонка ў вёсцы Багушэвічы замест знішчанага ў гады Вялікай Айчыннай вайны помніка адкрыты новы абеліск; - 3 ліпеня ў Беразіно ў скверы прайшло ўрачыстае адкрыццё помніка загінуўшым у гады Вялікай Айчыннай вайны воінам Чырвонай Арміі і партызанам. 50 гадоў назад – 6 ліпеня ў вёсцы Асмолаўка нарадзіўся Сяргей Іванавіч Карканіца, воін-інтэрнацыналіст, які загінуў у кастрычніку 1983 года. 45 гадоў назад - 18 студзеня ўведзены новы будынак Гарэніцкай СШ; - 7 сакавіка гарадскі пасёлак Беразіно пераўтвораны ў горад; - 1 мая ў Беразіно адкрыўся новы шырокаэкранны кінатэатр “Юбілейны”; - 7 лістапада вуліца Чэрвеньская ў горадзе перайменавана на Кастрычніцкую. 40 гадоў назад - 6 лютага ў кінатэатры “Юбілейны” прайшла творчая сустрэча кінагледачоў з рэжысёрам, мастаком і галоўнымі героямі фільма “Ад родных ніў” – удзельнікамі вакальна-этнаграфічнага ансамбля “Лявоніха” (здымкі адбываліся ў вёсцы Глухі Ток); - 8 мая на двары Пагосцкай школы адкрыты помнік-абеліск памяці былых вучняў школы, якія загінулі ў гады Вялікай Айчыннай вайны; - у чэрвені арганізавана раённае аддзяленне Беларускага таварыства аховы прыроды і таварыства паляводаў і рыбаловаў; - 16 лістапада адкрыты аўтобусны маршрут Беразіно-Брадзец; - у лістападзе ў Беразіно пачала дзейнічаць гасцініца на 70 месцаў; - у снежні адчыніў дзверы новы ўнівермаг з гандлёвай залай каля 2 тысяч метраў квадратных; - у райбальніцы адкрылася аддзяленне пералівання крыві. 35 гадоў назад - 19 студзеня Указам Прэзідыума Вярхоўнага Савета БССР вадзіцель саўгаса “Сцяг Кастрычніка” Барыс Васільевіч Бельскі ўзнагароджаны медалём “За адвагу на пажары”; - 1 красавіка ў раёне пачала дзейнічаць арганізацыя “Райсельгасэнерга”; - 20 красавіка прайшоў першы злёт юных кнігалюбаў; - 14 мая раённы Дом культуры наладзіў злёт выпускнікоў школ раёна; - у ліпені–верасні бярэзінскі хлебазавод прызнаны лепшым за трэці квартал 1978 года, а ДЭУ-718 заняў другое месца ў рэспубліцы, бярэзінская мэтэастанцыя па выніках другога паўгоддзя названа першай у рэспубліцы; - 1 верасня ў СШ № 2 горада адкрыўся першы эксперыментальны клас для 6- годак; - 26 верасня драматычны калектыў РДК атрымаў званне “Народны”; - у снежні ў СШ № 2 горада прайшла сустрэча вучняў і настаўнікаў з дэлегацыяй работнікаў народнай асветы братняй Манголіі. 30 гадоў назад - у лютым рэдакцыя газеты “Сцяг Леніна” ўзнагароджана Ганаровай граматай Вярхоўнага Савета БССР за лепшае асвятленне пытанняў турызму ў друку; - 12 сакавіка ў Беразіно пачала працаваць новая гарадская лазня; - у калгасе “Ленінскія дні” пачала дзейнічаць першая ў раёне пральня самаабслугоўвання; - 5 ліпеня выйшаў 6 тысячны нумар газеты “Сцяг Леніна” (тыраж 7333 экзэмпляраў); - у верасні ў раённым вузле сувязі створаны калектыў мастацкай самадзейнасці “Вестачка”; - уведзена ў эксплуатацыю новая вытворчая база ДЭУ-192; - раён прызнаны пераможцам рэспубліканскага і абласнога спаборніцтва за павышэнне ўраджайнасці, павелічэнне вытворчасці і продажу бульбы дзяржаве (1983 год). 25 гадоў назад - 27 лютага ў будынку былога дома культуры ПМК-63 пачала працаваць дзіцячая спартыўная школа “Юнацтва”; - 9 сакавіка ў Беразіно пачаў дзейнічаць новы кулінарны камбінат; - у верасні ў весцы Капланцы на працягу трох дзён творчая група “Беларусьфільм” здымала дакументальны фільм пра нашага сусветна вядомага земляка – Міколу Равенскага; - 27 снежня адноўлена вёска Ялоўка Высакагорскага сельскага Савета; - калектыў лясгаса па выніках работы за 1993 год заняў другое месца па рэспубліцы. 15 гадоў назад - 1 студзеня Упраўленне па справах моладзі, культуры і спорту пераўтворана ў аддзел культуры райвыканкама; - 8 лютага ў РДК здымалася тэлеперадача “Землякі” ; - 9 мая ў СШ № 2 горада прайшоў першы фестываль бардаўскай песні; - пакладзены пачатак новай традыцыі правядзення агульнага гарадскога развітальнага школьнага свята; - 2 ліпеня ў гарадскім скверы каля кінатэатра “Юбілейны” адкрыўся мемарыяльны знак у гонар пяці падпольшчыкаў, якія былі павешаны 24 красавіка 1942 года; - 22-25 верасня ў Беразіно прайшоў рэспубліканскі конкурс маладых прадаўцоў на званне “Лепшы па прафесіі”; - 16 снежня выйшаў 8-тысячны нумар газеты “Сцяг Леніна”; - Бярэзінская дзіцячая музычная школа стала Школай мастацтваў; - у вёсцы Любушаны на базе СДК створаны Цэнтр традыцыйнай культуры. Тамара КРУТАЛЕВІЧ, загадчыца аддзела маркетынгу Бярэзінскай ЦБС. VN:F [1.9.9_1125] please wait... Rating: 0.0/10 (0 votes cast) VN:F [1.9.9_1125] Rating: 0 (from 0 votes) Чтобы разместить новость на сайте или в блоге скопируйте код:
На вашем ресурсе это будет выглядеть так
270 гадоў - споўнілася першаму ўспаміну ў пісьмовых дакументах пра Божынскую Свята-Ільінскую ўніяцкую царкву. 235 гадоў назад - у мястэчку Беразіно ў бацькоў...
|
|