Дэлегацыя з Польшчы наведала ААТ «Слуцкі сыраробны камбінат»

Источник материала:

Дэлегацыя прадстаўнікоў малочнай галіны Польшчы наведала ААТ «Слуцкі сыраробны камбінат» на мінулым тыдні.

Гасцей цікавіў тэхналагічны працэс вырабу прадукцыі. У ліку замежных гасцей былі вытворцы і пастаўшчыкі малочнай сыравіны, фермеры. Падчас экскурсіі па вытворчых цэхах камбіната госці азнаёміліся з абсталяваннем, на якім працуюць слуцкія сыравары, і  ўмовамі вытворчасці.

Намеснік генеральнага дырэктара камбіната па вытворчасці Максім Анатольевіч Маліноўскі расказаў гасцям аб вытворчасці сыроў, экспарце прадукцыі камбіната ў краіны далёкага і блізкага замежжа, аб праводзімай мадэрнізацыі. Прадстаўнікі дэлегацыі адзначылі высокі ўзровень тэхнічнай аснашчанасці прадпрыемства і высокую якасць малочнай прадукцыі.

Ірына МАЛЯЎКА.