Каб быў хлеб, каб была песня… Вынікі работы на жніве падвялі ў ААТ “Грыцкевічы”. 21.by

Каб быў хлеб, каб была песня… Вынікі работы на жніве падвялі ў ААТ “Грыцкевічы”

Размер текста:
A
A
A

Источник материала:

Поделитесь с друзьями
  •  
  •  
  •  
  •  
  •  
  •  

Сёлета хлебаробы ААТ “Грыцкевічы” намалацілі 6064 тоны збожжа. Кожны гектар даў яго па 64,6 цэнтнера.

У суботу вяскоўцы сабраліся ў Грыцкевіцкім СДК, каб падвесці вынікі работы на жніве, вынікі спаборніцтва падчас уборкі ўраджаю. Трэба сказаць, што зала была поў-ная. Ушанаваць працаўнікоў нівы, паслухаць канцэрт вакальнай групы “Суседзі” прыйшлі і пажылыя, і людзі сярэдняга ўзросту. Прысутным быў прадэманстраваны відэа-фільм аб ходзе жніва.

Дырэктар гаспадаркі Яўген Здановіч расказаў пра яго вынікі. Падкрэсліў: нягледзячы на цяжкі для хлебаробаў год (засуха ў маі-чэрвені, дажджы падчас уборкі), у ААТ “Грыцкевічы” спрацавалі няблага, па ўраджайнасці занялі трэцяе месца па раёне. Падзякаваў усім за шчырую працу і прыступіў да ўзнагароджвання.


Фота 1


Фота 2


Фота 3

Першае месца сярод старшых камбайнераў заняў вопытны работнік  Георгій Закудоўскі (фота 2). На камбайне “Лексіён-550” ён убраў 268 гектараў, намалаціў 1744,8 тоны збожжа ў фізічнай  вазе. Ужо каторы год Георгій Пятровіч лідзіруе ў гаспадарцы! У гэтым яму дапамагаюць вялікая акуратнасць, працавітасць, любоў да тэхнікі, да земляробскай справы.

На другім месцы — старшы камбайнер Сяргей  Гаспадарык. Камбайнам “КЗС-1218” ён убраў 262,1 га, намалаціў больш за 1692 тоны зерня. (На фота 1 — дырэктар Яўген Здановіч уручае Сяргею Гаспадарыку Ганаровую грамату дырэкцыі адкрытага акцыянернага таварыства і грашовую прэмію). Трэцім прызёрам стаў Юрый Наполеў (фота 4), які на  камбайне “КЗС-1218” убраў 220,5 га збажыны, намалаціў амаль 1391 тону. І ў час дажынак, і ў гэтыя дні Юрый Віктаравіч  знаходзіўся і знаходзіцца ў каман-дзіроўцы, дапамагае ўбіраць ураджай у Валожынскім  раёне. Таму сваю ўзнагароду  атрымае, як вернецца дамоў.

Сярод вадзіцеляў першае месца заняў Міхаіл Заяц (фота 5). На сваім МАЗе ён перавёз з поля на ток 1584,5 тоны збожжа. На другім месцы — Мікалай Казакевіч (фота 7) з 1553 тонамі. На трэцім — Мікалай Ярош (фота 8) з 1532 тонамі.

Кожны з іх узнагароджаны  Ганаровай граматай і грашовай  прэміяй дырэкцыі гаспадаркі.

Прэміі таксама атрымалі ўсе удзельнікі ўборачнай кампаніі: хто працаваў на збожжасушылцы, хто на машынным двары, хто на ўборцы саломы, хто гатуе і дастаўляе ў поле абеды (на фота 9 — раздатчыца Вольга Гаспадарык выдае абед вадзіцелю на збожжатаку Аляксандру Казакевічу, студэнту БАТУ, які вучыцца па мэтавым накіраванні гаспадаркі),  а таксама  спецыялісты галіны.

На дажынках прысутнічалі першы намеснік старшыні Няс-віжскага райвыканкама, начальнік райсельгасхарчу Віктар Худніцкі і старшыня РК  прафсаюза работнікаў АПК  Іван Кендыш. Віктар Уладзіміравіч уручыў Па-дзячныя пісьмы старшыні райвыканкама галоўнаму аграному акцыянернага  таварыства Івану Валетаву (фота 3)  і старшаму камбайнеру Георгію Закудоўскаму. Іван Канстанцінавіч уручыў Па-дзячныя  пісьмы ўпраўлення па сельскай гаспадарцы і харчаванні райвыканкама і РК прафсаюза работнікаў АПК і падарункі ад райкама прафсаюза астатнім пяці прызёрам жніва.


Фота 4

Фота 5


Фота 6

Фота 7

У адказ хлебаробы ўручылі гасцям святочныя караваі. Дарэчы, прысутныя на свяце маглі пачаставацца смачнай здобай — яго арганізатары спецыяльна для гэтага яшчэ заказвалі караваі.

Нядрэнна па-працавалі на збожжасушыльным комплексе “Амкадор” аператары  Аляксандр Любко і Аляксандр Акулік, Аляксандр Крукоўскі і Мікалай Карней. Яны дапрацавалі 5900 тон зерня.

Калі тры лепшыя камбайнеры з “Грыцкевіч”  увайшлі ў першую дваццатку сваіх калег па  раёне, то 21-м у гэтым  спісе стаў Аляксандр Ілюшын з гэтай жа гаспадаркі, прадстаўнік маладога  пакалення. Ён на камбайне “КЗС-1218” убраў болей за 188 га, намалаціў болей за 1236 тон збожжа.  Малады чалавек адпрацаваў на жніве трэці сезон.


Фота 8


Фота 9

А вось вадзіцель Мікалай Клімовіч (на фота 6 — на першым плане), які ў гаспадарцы стаў чацвёртым па колькасці перавезенага збожжа, увайшоў разам з прызёрамі ў першую дваццатку вадзіцеляў раёна.

На ўборцы саломы старанна працуюць механізатары Міхаіл Клімовіч і Анатоль Каваленя на прэс-падборшчыках, Фёдар Заяц і Сяргей Леўшык на здрабненні.

Карэспандэнт “НН” напрыканцы пагутарыў з галоўным аграномам гаспадаркі Іванам Валетавым:

— Якая ў вас ацэнка сёлетняга ўраджаю?

— На такі год — добры ўраджай, — упэўнена адказаў аграном.

Канешне, атрымалася не так, як было летась, але ж год на год не  прыходзіцца. Як кажуць, не было б горш. А хлебаробы зараз  шчыруюць над тым, каб закласці надзейны падмурак ураджаю-2019.

— Звозім салому з палёў, уносім вадкія арганічныя ўгнаенні, рассяваем мінеральныя, аром глебу. Хутка будзем сеяць азімыя, — працягнуў свой аповед Іван Міхайлавіч.

… Пасля свята ў кабінеце дырэктара з’явіўся дажыначны сноп. Ён будзе стаяць тут цэлы год, да новага  ўраджаю. Як сімвал  дабрабыту, сімвал сілы і шчодрасці зямлі беларускай.

“НН”.

 

P.S. Пры асвятленні будняў і святаў ААТ “Грыцкевічы” рэдакцыі актыўна дапамагае спецыяліст па ідэалагічнай рабоце, старшыня прафсаюзнага  камітэта гаспадаркі Алена Леўшык. Вядома, у яе  на месцы ёсць свае памочнікі. Дзякуючы гэтаму, справы працаўнікоў  акцыянернага таварыства ёсць магчымасць асвятляць больш шырока. Селькораўскі рух, які падсілкоўваў газету і ў 50-я гады, і ў 70 — 80-я, чым  наша рэдакцыя вельмі ганарылася, і пазней — справа важная  і неабходная. Паведамленні з месцаў, а пры сучасных  інфармацыйных тэхналогіях работа не займае многа часу, узбагачаюць змест “раёнкі” і пашыраюць геаграфію летапісу Нясвіжчыны. Дзякуй, Алена Аляксееўна, за плённае супрацоўніцтва!

 

 


Поделитесь с друзьями
  •  
  •  
  •  
  •  
  •  
  •  

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Сёлета хлебаробы ААТ “Грыцкевічы” намалацілі 6064 тоны збожжа. Кожны гектар даў яго па 64,6 цэнтнера. У суботу вяскоўцы сабраліся ў
 
 
 

РЕКЛАМА

Архив (Сельское хозяйство)

РЕКЛАМА


Яндекс.Метрика