Лукашэнка: На саміце СНД у Кішынёве адбылася вельмі жорсткая і вострая размова. 21.by

Лукашэнка: На саміце СНД у Кішынёве адбылася вельмі жорсткая і вострая размова

09.10.2009 22:20 — Новости Общества |  
Размер текста:
A
A
A

Источник материала:

На саміце ў Кішынёве адбылася «вельмі жорсткая і вострая размова», заявіў Аляксандр Лукашэнка журналістам у сталіцы Малдовы, падводзячы вынікі праведзенага 9 кастрычніка пасяджэння Савета кіраўнікоў дзяржаў СНД.

Як паведамляе прэс-служба прэзідэнта, Лукашэнка, у прыватнасці, адзначыў, што складана фарміраваўся парадак дня саміта і сітуацыю выратавала Беларусь, якая ўнесла пытанне аб сумесным пераадоленні наступстваў сусветнага фінансава-эканамічнага крызісу. «Штыкі скрыжавалі на гэтым пытанні», — падкрэсліў кіраўнік дзяржавы. Ён нагадаў, што год таму ўрадам было даручана распрацаваць адпаведныя меры, аднак год прайшоў — і ніякага выніку. «Ужо, кажуць, крызіс завяршаецца, а мы ўсё гаворым аб тым, як павысіць, вывучыць, інфармаваць», — адзначыў Лукашэнка.

Паводле слоў прэзідэнта, ён задаў пытанне міністру фінансаў РФ Аляксею Кудрыну: чым канкрэтна Расія з яе велізарнымі рэзервамі можа дапамагчы краінам СНД?

Акрамя таго, Лукашэнка адзначыў, што Расія апелюе тым, што выступае на баку Беларусі пры выдзяленні крэдытаў МВФ.

«А атрымалася так, што МВФ сёння выдае крэдыт з улікам таго, што нам выдзяляе Расія. А цяпер Расія публічна заяўляе, што 500 млн. даляраў не дае. МВФ нас пытае: як жа так, мы разлічвалі, што і Расія дасць. Такая ўмова выдзялення крэдыту МВФ», — канстатаваў прэзідэнт.

«Вось такі момант жорсткай размовы. Думаю, я правільна завастрыў гэтае пытанне», — дадаў Лукашэнка. Паводле яго слоў, для Беларусі не з'яўляецца жыццёва важным тое, ці выдзеліць Расія абяцаны крэдыт. «Калі дасць — добра, калі не — знойдзем іншыя магчымасці. Але гэта пытанне прынцыпу: калі паабяцалі, то трэба даваць», — падкрэсліў кіраўнік дзяржавы.

На саміце было таксама закранута пытанне бар'ераў у гандлі і мер пратэкцыянізму. «Запісваем пункт: ніякіх бар'ераў, ніякага пратэкцыянізму. Дык жа ў нас з Расіяй бар'еры і пратэкцыянізм! Калі гэтыя пытанні будуць вырашаныя?» — спытаў прэзідэнт.

Лукашэнка адзначыў, што на пасяджэнні «моцна выступіў Віктар Юшчанка, яго аргументацыя была забойнай».

Паводле слоў беларускага кіраўніка, галоўнай думкай выступлення ўкраінскага прэзідэнта было тое, што «ні Беларусі, ні Украіне не былі б патрэбныя крэдыты, калі б функцыянавала зона свабоднага гандлю». «Краіны маглі б самастойна зарабіць неабходныя сродкі. У такім жа ключы выступілі Таджыкістан і Азербайджан», — сказаў Лукашэнка.

Падводзячы вынікі працоўнага дня ў Кішынёве, ён падкрэсліў, што краіны СНД не павінны дапусціць раз'яднанасці. Паводле слоў Лукашэнкі, з гэтай думкай згодныя ўсе ўдзельнікі саміта.

Прэзідэнт таксама лічыць, што «СНД павінна заставацца як пляцоўка для перамоў». «Хай дрэнна, хай нешта не вырашаецца, хай проста абмяркоўваем праблемы, але гэта пляцоўка для перамоў, яна адзіная такая на постсавецкай прасторы, яе трэба захаваць», — упэўнены беларускі кіраўнік. Ён дадаў, што «ніхто з удзельнікаў саміта не выказваўся за спыненне супрацоўніцтва».

 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
Заявіў кіраўнік Беларусі журналістам у сталіцы Малдовы, падводзячы вынікі праведзенага 9 кастрычніка пасяджэння Савета кіраўнікоў дзяржаў СНД.
 
 
 

РЕКЛАМА

Архив (Новости Общества)

РЕКЛАМА


Яндекс.Метрика