Вірусныя інфекцыі: сем практычных парадаў, як засцерагацца

Источник материала:

1. Ёсць магчымасць зрабіць прышчэпку — рабіце, але пры тым ўмове, што, па-першае, вы здаровыя і, па-другое, для вакцынацыі не трэба будзе сядзець у смаркатым натоўпе ў паліклініцы.

2. Ніякіх лекаў з даказанай прафілактычнай эфектыўнасцю не існуе. Г.зн. ніякая цыбуля, часнык, гарэлка і таблеткі не здольныя абараніць ні ад якога рэспіраторнага вірусу наогул, ні ад віруса грыпу ў прыватнасці.

3. Крыніца віруса — чалавек і толькі чалавек. Чым меней людзей, тым менш шанцаў захварэць. Каранцін — выдатна! Забарона на масавыя зборні — выдатна! Прайсціся прыпынак пешшу, не пайсці лішні раз у супермаркет — мудра!

4. Маска. Карысная штука, але не панацэя. Абавязкова павінна быць на хворым, калі побач здаровыя: вірус яна не затрымае, але спыніць кропелькі сліны, асабліва багатыя вірусам.

5. Рукі хворага — крыніца віруса не менш значная, чым рот і нос. Хворы кранаецца твару, вірус трапляе на рукі, хворы хапае усе вакол, вы кранаецеся гэтага ўсяго рукой — добры дзень, вострыя рэспіраторныя вірусныя інфекцыі.

6. Паветра!!! Вірусныя часціцы гадзінамі захоўваюць сваю актыўнасць у сухім цяплым і нерухомым паветры, але амаль імгненна разбураюцца ў паветры прахалодным, вільготным і рухомым. Гуляць можна колькі заўгодна. Падчапіць вірус падчас прагулкі практычна нерэальна.

7. Стан слізістых абалонак!!! У верхніх дыхальных шляхах пастаянна утвараецца слізь. Слізь забяспечвае функцыянаванне т.зв. мясцовага імунітэту — абароны слізістых абалонак. Калі слізі і слізістай абалонкі перасыхаюць — праца мясцовага імунітэту парушаецца, вірусы, адпаведна, з лёгкасцю пераадольваюць ахоўны бар’ер аслабленага мясцовага імунітэту, і чалавек хварэе пры кантакце з вірусам з шматкроць большай ступенню верагоднасці. Галоўны вораг мясцовага імунітэту — сухое паветра, а таксама лекі, здольныя высушваць слізістую абалонку

Рэцэпт ад сухасці: 1 Чайная лыжка звычайнай паваранай солі на 1 літр кіпячонай вады. Залівайце ў любы флакон-пшыкалку і рэгулярна пшыкаеце ў нос). Для той жа мэты можна купіць у аптэцы фізіялагічныя раствор ці гатовыя солевыя растворы для ўвядзення ў насавыя хады — салін, аква марыс, хумер, марымер, насоль і г.д.