Міністр фінансаў Беларусі Андрэй Харкавец заявіў, што Беларусь можа ў наступным годзе выйсці на рынак еўрааблігацый.
Каментуючы яго выказванне, віцэ-прэм’ер Беларусі Андрэй Кабякоў растлумачыў, што канчатковае рашэнне яшчэ не прынятае. Яно будзе залежыць ад сітуацыі на сусветных фінансавых рынках. «Бюджэт грошы на гэта не выдаткоўвае», — удакладніў ён.
Тым не менш Андрэй Кабякоў выказаў меркаванне, што размяшчаць еўрааблігацыі на суму менш за 250–300 мільёнаў еўра немэтазгодна.